Þar sem 666 er kölluð „tala djöfulsins“ þá snúast spurningarnar hér allar um sitthvað sem lýtur að honum.

Á efri myndinni er hluti af málverki sem hollenskur málari málaði af heimili djöfulsins, sjálfu helvíti. Hvað hét málarinn?

***

Aðalspurningar:

1.  Í hvaða bók var það annars sem 666 var fyrst kallað númer andskotans? Svarið þarf að vera nákvæmt.

2.  Í íslenskri þjóðsögu snýr kona nokkur á bæði kölska og handhafa himnisríkisvaldsins, þegar henni tekst að koma látnum eiginmanni sínum í himnaríki þótt kölski hafi ætlað sér hann. Hvað kallast þessi þjóðsaga?

3.  Í frægi skáldsögu segir frá því þegar djöfullinn kemur með föruneyti sitt til Moskvu og setur þar allt upp í loft. Hvað heitir sagan?

4.  Hvað hét ítalska skáldið sem orti um helvíti kringum aldamótin 1300?

5.  Hvað heitir leikarinn sem hér leikur andskotann í kvikmyndinni Angel Heart?

6.  „Skrattinn fór að skapa mann ...“ segir í þjóðvísunni, en honum tókst heldur illa til. Hvað skapaði hann óvart í staðinn?

7.  Hvar á Íslandi var sagt að inngangur helvítis væri?

8.  Hvað er Tasmaníudjöfull? Er það: Hefndarguð Tasmaníumanna — pokadýr — djúpsjávarfiskur — pyntingatæki frá miðöldum — fugl af spörfuglaætt með klofna tungu?

9.  Hvað merkir að gefa dauðann og djöfulinn í eitthvað? 

10. En í hverju gengur djöfullinn? 

***

Seinni aukaspurning:

Hér er dauðinn til vinstri, og ég spyr um hann því hann er svo ansi djöfullegur í þeirri bíómynd sem hér um ræðir. En hvað er hann að gera á þessu skjáskoti?

***

Svör við aðalspurningum:

1.  Opinberunarbók Jóhannesar í Nýja testamentinu.

2.  Sálin hans Jóns míns.

3.  Meistarinn og Margaríta.

4.  Dante.

5.  Robert de Niro.

6.  Kött. Kötturinn var skinnlaus en það þarf ekki að taka fram.

7.  Í Heklu.

8.  Pokadýr.

9.  Gefa skít í eitthvað.

10.  Prada.

***

Á efri myndinni er hluti af málverki Bosch.

Á neðri myndinni er dauðinn að hefja skák í bíómynd Bergmans, Sjöunda innsiglinu.