Fyrri aukaspurning:

Hver er þetta?

***

Aðalspurningar:

1.  „No More Heroes“ er lag frá 1977. Hvaða hressa rokkhljómsveit flutti lagið?

2.  Í laginu eru nefndar nokkrar hetjur af ýmsu sem ekki eru lengur á meðal vor. Þar á meðal er Sancho Panza. En hver var Sancho Panza?

3.  Um daginn hrundu hlutabréf í Facebook svo rosalega að annað eins hafði vart sést. Hver var ástæðan?

4.  Hér er ein afgangsspurning frá kölskaspurningunum frá í gær: Árið 2017 gaf íslensk rokkhljómsveit út plötuna Söngvar um helvíti mannanna. Hljómsveitin hafði þá starfað í nærri 30 ár en með nokkrum hléum, enda hafa meðlimir hljómsveitarinnar fengist við margt annað gegnum tíðina, og tveir þeirra jafnvel reynt fyrir sér í pólitík. Hver er hljómsveitin?

5.  Gyllti áttavitinn, Lúmski hnífurinn og Skuggasjónaukinn. Hver skrifaði þessar bækur?

6.  Dalai Lama er í senn trúar- og eiginlegur þjóðarleiðtogi hvaða þjóðar?

7.  Hvað hét sú kona sem kölluð var langbrók?

8.  Yves Saint-Laurent andaðist 2008, 71 árs að aldri. Hvað hafði hann fengist við um dagana?

9.  „Árdags í ljóma, upp rísi þjóðlið og skipist í sveit. Skjótum upp fána, skært lúðrar hljóma.“ Við hvaða fljót á þetta að gerast?

10.  Hver skrifaði fyrir tæpum 50 áraum leikritin Dómínó og Klukkustrengi?

***

Seinni aukaspurning:

Hvaða hljómsveit er þetta?

***

Svör við aðalspurningum:

1.  Stranglers.

2.  Þjónn Don Kíkóta.

3.  Notendum hafði fækkað í fyrsta sinn.

4.  Ham.

5.  Pullman.

6.  Tíbeta.

7.  Hallgerður.

8.  Fatahönnun.

9.  Öxar við ána, það er að segja Öxará.

10.  Jökull Jakobsson.

***

Svör við aukaspurningum:

Á efri myndinni er Birta Björnsdóttir fréttamaður.

Á neðri myndinni er hljómsveitin Gorillaz.