Fyrri aukaspurning:

Hver er karlinn sem lyftir hér hendi á loft?

***

Aðalspurningar:

1.  Hver leikstýrði kvikmyndinni Hrafninn flýgur árið 1984?

2.  Í hvaða landi heitir höfuðborgin Santiago?

3.  Santiago er spænsk útgáfa af nafni dýrlings. Hvað kallast sá dýrlingur á íslensku?

4.  Kona ein gekk út á svalir á húsi sínu fyrir rúmum 40 árum. Hún var klædd ljósum prjónakjól og veifaði til fólks á götunni. Hvaða kona var þetta?

5.  Hraði ljóssins er um það bil 300.000 kílómetrar á ... sekúndu ... mínútu ... klukkustund ... sólarhring?

6.  Hvað kallast það fyrirbrigði í geimnum sem hefur svo ógnarlegt aðdráttarafl að það dregur meira að segja að sér ljósið?

7.  Guderian, Manstein, Model, Patton, Paulus og Rommel. Þetta eru allt þýskir hershöfðingjar í seinni heimsstyrjöld — nema reyndar einn þeirra. Hver á ekki heima í þessum hópi?

8.  Hvað kallar hann sig, einn þekktasti og umtalaðasti myndlistarmaður heimsins um þessar mundir — listamaður sem enginn veit í rauninni hver er?

9.  Hvaða forseti Bandaríkjanna hefur setið lengst allra í embætti?

10.  Ávöxtur einn heitir á latínu Solanum lycopersicum. Hann er ávöxtur, þótt við lítum yfirleitt á hann sem grænmeti, og hann er upprunninn í Suður-Ameríku. Við köllum Solanum lycopersicum ... hvað?

***

Seinni aukaspurning:

Hvar er þennan myndarlega bíl að finna?

***

Svör við aðalspurningum:

1.  Hrafn Gunnlaugsson.

2.  Tjíle.

3.  Jakob.

4.  Vigdís Finnbogadóttir.

5.  Sekúndu.

6.  Svarthol.

7.  Patton.

8.  Banksy.

9.  Franklin Roosevelt. Franklin verður að fylgja.

10.  Tómat.

***

Svör við aukaspurningum:

Á eftir myndinni má sjá fótboltakappann Pelé.

Á neðri myndinni er hluti plötuumslags Stuðmanna, Sumar á Sýrlandi.