Fyrri aukaspurning:

Myndin hér að ofan prýðir leirker fornt en það var gert ... hvar?

***

Aðalspurningar:

1.  Í framhaldi af fyrri spurningu, hvað skyldu þær heita, hetjurnar sem þar heyja frægt einvígi sem örlög heillar borgar gætu ráðist af? Nefna þarf kappana báða.

2.  Hver samdi leikrit um Óþello?

3.  Í hvaða ríki var Tony Blair um tíma æðstur valdamaður?

4.  Breskt Nóbelskáld (sem reyndar fæddist í Bandaríkjunum) orti virðuleg kvæði um lífið og dauðann og annað þvíumlíkt en átti fleiri hliðar. Skáldið orti líka léttúðugar dýravísur sem voru 1981 notaðar sem uppistaða í vinsælum söngleik. Hvað heitir söngleikurinn?

5.  En hver var það sem samdi músíkina við þann söngleik?

6.  Hvað heitir sá róttæki femínistahópur sem hefur mjög látið að sér kveða í yfirstandandi MeToo bylgju?

7.  Cherokee er nafnið á stórri jeppategund sem framleidd er í Bandaríkjunum. Hvaða fyrirtæki framleiðir jeppa þessa?

8.  En hvaðan er nafnið Cherokee annars runnið?

9.  Piltur einn í Biblíusögunum var í uppáhaldi hjá föður sínum svo hinir mörgu bræður hans urðu öfundsjúkir. Þeir gripu þá til þess ráðs að selja hann í þrældóm til annars lands. Hvað hét piltur?

10.  Bræðrunum hefndist þó fyrir, því hann varð mektarmaður í hinu nýja landi og hafði brátt öll ráð þeirra í hendi sér. Hvaða land var það?

***

Seinni aukaspurning:

Úr hvaða bíómyndatöð er myndin hér að neðan?

***

Svör við aukaspurningum:

1.  Akkiles og Hektor.

2.  Shakespeare.

3.  Bretlandi.

4.  Cats.

5.  Andrew Lloyd Webber.

6.  Öfgar.

7.  Jeep eða Chrysler — hvorttveggja rétt.

8.  Ein af frumbyggjaþjóðum í Bandaríkjunum.

9.  Jósef.

10.  Egiftaland.

***

Svör við aukaspurningum:

Vasinn á efri myndinni er grískur.

Neðri myndin vísar til Hunger Games-flokksins.