Fjöldi fyr­ir­tækja hefur dregið til baka sam­starf sitt við Instagram-ljós­mynd­ara og fjalla­leið­sögu­manns í kvöld eftir að kona sagði frá reynslu sinni af alvar­legu ofbeldi. 

Konan lýsti því að hann hefði nálg­ast hana og fleiri konur sem far­ar­stjóri í fjalla­ferðum, að hann hafi setið um hana, beitt hana lík­am­legu ofbeldi og hótað ítrekað að svipta sig lífi. Hún kallar þennan tíma þann myrkasta í sínu lífi og aðrar taka undir. Stundin vísar í frá­sögn hennar af umræðu­hópi á Facebook um úti­vist fyrir konur með hennar leyfi.

„Í tvö ár var ég í ofbeld­is­sam­bandi með manni sem um þessar mundir fer mikið fyrir í fjalla­heim­inum. Ég var beitt miklu and­legu ofbeldi sem einnig var á tímum lík­am­legt og kyn­ferð­is­legt.  Þessi aðili hefur upp á síðkastið hrökkl­ast úr starfi sem leið­sögu­maður frá tveimur fyr­ir­tækjum og er nú að því er virð­ist að ein­beita sér að sínu eigin fyr­ir­tæki. Þar bíður hann upp á verk­efni og ferðir ásamt því að vera styrktur af ýmis fyr­ir­tækjum út í bæ,“ segir konan. 

Hún naut vel­gengni í störfum sínum og stóð styrkum fótum í líf­inu, en eftir sam­bandið hefur hún þurft að byggja sig upp að nýju. Hluti af þeirri vinnu er að segja sög­una.

„Ég og aðrar konur - við erum fleiri en ein, tvær og þrjár - höfum síð­ustu ár þurft að horfa upp á ofbeld­is­mann okkar taka ítrekað fyrir ný fórn­ar­lömb ásamt því að sjá bæði and­lit hans og nafn prýða hina ýmsu miðla og koma fram í aug­lýs­ingum. Slíkt vekur eðli­lega upp slæmar til­finn­ingar, og sem dæmi í mínu til­felli áfallastreitu. Þá hef ég einnig ótt­ast öryggi mitt og öryggi fjöl­skyldu og vina og því kosið að segja mína sögu á annan hátt en opin­ber­lega.“

Þekktar aðferðir í ofbeldissamböndum

Hún kynnt­ist honum í fjalla­ferð á hans vegum.  Fljót­lega bar á því að hann sak­aði hana ítrekað um fram­hjá­hald, og jafn­vel vændi.

Hann beitti þekktum aðferðum við að ein­angra hana og hót­aði meðal ann­ars að svipta sig lífi ef hún kæmi ekki að hitta hann strax.

„Þessa tækni not­aði hann oft, sér­stak­lega ef ég var að fara að umgang­ast annað fólk. Hann vildi stjórna nákvæm­lega hver var í mínu lífi og hvar ég var. Helst átti ég ekki að umgang­ast neinn nema hann. Sú var oft raunin þar sem ég ein­angr­að­ist mikið á tíma­bili og hætti að hitta ákveðna vini af ótta við hans við­brögð. Mér fannst ég vera að gera eitt­hvað rangt ef ég hitti góða vina mína sem hann kunni ekki við.“

Hún segir mann­inn hafa meinað henni að setja myndir af honum á Instagram, jafn­vel eftir eins og hálfs árs sam­band. Síðar átti hún eftir að átta sig á ástæð­unni. „Þarna var hann með mig blockaða - sturlað ég veit – kærast­inn minn blockaði mig á Instagram svo ég gæti ekki séð hvað hann var að gera -  en samt sá hann story-ið mitt innan 10 sek­úndna og gekk á mig. Við rif­umst og ég spurði af hverju, eftir eitt og hálft ár, það væri nú ekki í lagi. Þarna var ég og við­haldið hans að followa hvor aðra.“

Sjálfsvígshótun eftir Instagramfærslu

Afleið­ing mynd­birt­ing­ar­innar var sjálfs­vígs­hótun. „Hann hót­aði að drepa sig ef ég myndi ekki taka þetta strax út. Ég held að ég hafi á þessum tíma sett mynd­ina inn til að kom­ast nær sann­leik­anum, vildi fá við­brögð ef það væru fleiri konur sem hann væri að sækja í,“ segir hún.