Fyrri aukaspurning:

Á myndinni hér að ofan má sjá vinsæla íslenska hljómsveit eins og hún leit út fyrir tæpum tíu árum. Hvað heitir hljómsveitin?

***

Aðalspurningar:

1.  Hvar er Ingólfur Arnarson sagður hafa komið fyrst að landi þegar hann kom í landnámsferð sína hingað til lands?

2.  Hvar á landinu er Lundareykjadalur?

3.  Fjögur svæði eða ríki mynda hið Sameinaða konungsríki — United Kingdom — sem við köllum yfirleitt bara Bretland. Hvert þeirra er fámennast?

4.  Árið 1929 sameinuðust Íhaldsflokkurinn og Frjálslyndi flokkurinn á Íslandi og mynduðu ... hvaða flokk?

5.  Hver er nú varaformaður þess flokks?

6.  Hvaða á rennur stærst til sjávar í Reykjavík?

7.  Hvað heitir höfuðborg Kína?

8.  Hvað hófst 8. júní 1783?

9.  En 5. maí 1789?

10.  Tvær vísur Hávamál hefjast á orðunum: „Deyr fé, / deyja frændur, / deyr sjálfur hið sama.“ Hvernig er framhaldið í þeirri vísu sem frægari er? Og svo megiði sæma ykkur lárviðarstigi ef þið þekkið framhaldið í hinni vísunni líka!

***

Seinni aukaspurning:

Hér að neðan má sjá einn af frægustu munkum og síðar dýrlingum kaþólsku kirkjunnar. Hvern þá?

***

Svör við aðalspurningum:

1.  Við Ingólfshöfða.

2.  Í Borgarfirði.

3.  Norður-Írland.

4.  Sjálfstæðisflokkinn.

5.  Þórdís Kolbrún.

6.  Elliðaárnar.

7.  Beijing.

8.  Skaftáreldar, gosið í Lagagígum.

9.  Franska byltingin.

10.  „En orðstír / deyr aldregi, / hveim [þeim] er sér góðan getur.“ Hin vísan endar svona: „Eg einn veit / að aldrei deyr / dómur um dauðan hvern.“

***

Svör við aukaspurningum:

Hljómsveitin er Nýdönsk.

Dýrlingurinn er Frans frá Assisí. Hann prédikaði yfir fuglum eins og alkunna er.