Fyrri aukaspurning:

Hér er þekkt kona þegar hún var aðeins tíu ára gömul. Hver er þetta?

***

Aðalspurningar:

1.  Hvaða kvæðabálkur hefst svo: „Upp, upp, mín sál og allt mitt geð, / upp mitt hjarta og rómur með“?

2.  Í hvaða bæjarfélagi hefur íþróttafélagið Afturelding aðsetur?

3.  Fyrir hvaða stjórnmálaflokk situr Pawel Bartoszek í borgarstjórn Reykjavíkur?

4.  Halldór Baldursson heitir einn vinsælasti myndlistarmaður landsins og altént koma verk hans daglega fyrir sjónir fleiri en flestra kollega hans. Hvar birtast þau?

5.  Í hvaða sögu kemur Helvítisgjáin við sögu?

6.  Í hvaða landi eru Renault-bílar upprunnir? 

7.  Undir hvaða nafni er Clark Kent þekktastur?

8.  Hvað heitir höfuðborgin í Panama?

9.  Virginia Guiffre heitir kona tæplega fertug en stendur nú í málarekstri við frægðarmann einn vegna atburða sem gerðust fyrir rúmum tuttugu árum. Hver er sá frægðarmaður?

10.  Fyrirbæri eitt var einu sinni brúkað á Íslandi en var svo lagt niður fyrir rúmri hálfri öld eins og í meirihluta heimsins. Þetta fyrirbæri er þó enn við lýði á Bretlandseyjum og á Írlandi, sem og í nærri allri Eyjaálfu, svo sem í Ástralíu og á Nýja-Sjálandi. Í sunnan- og suðaustanverðri Afríku er fyrirbærið allvíða notað enn og sömuleiðis á Indlandi. Það er og notað víðar í Asíu, þar á meðal í Japan og Tælandi. Það þekkist og í einstaka löndum Mið- og Suður-Ameríku. Fyrir Íslendinga tekur oft svolitla stund að venjast fyrirbærinu þegar þeir koma til landa þar sem það er notað, en það tekst þó jafnan stórslysalítið. Hvaða fyribæri er þetta?

***

Seinni aukaspurning:

Hvað vex hér á greinum?

***

Svör við aðalspurningum:

1.  Passíusálmarnir.

2.  Mosfellsbæ.

3.  Viðreisn.

4.  Í Fréttablaðinu. Raunar einnig í Viðskiptablaðinu.

5.  Ronju ræningjadóttur.

6.  Frakklandi.

7.  Superman.

8.  Panama eða Panamaborg.

9.  Andrés prins.

10.  Vinstri umferð.

***

Svör við aukaspurningum:

Á efri myndinni er Diana Spencer, síðar prinsessa.

Á neðri myndinni má sjá avokadó, öðru nafni lárperur.