Fyrri aukaspurning:

Hvaða fána má sjá hér að ofan?

***

Aðalspurningar:

1.  Um miðja 20. öld kom út í nokkrum bindum ævisaga Árna prófasts Þórarinssonar og í einu bindinu lýsti hann m.a. dvöl sinni á tilteknum stað á landinu og nefndist það bindi: „Hjá vondu fólki.“ Hvar á landinu bjó þetta meinta „vonda fólk“?

2.  Einn fremsti rithöfundur og stílisti þjóðarinnar á 20. öld skráði minningar Árna. Hver var sá?

3.  Hvaða ungi íslenski rapptónlistarmaður gaf fyrir þrem árum út plötuna Matador og svo á dögunum plötu sem hann nefnir Bushido?

4.  Hver var fyrsta konan sem gegndi starfi Þjóðleikhússtjóra á Íslandi?

5.  Hvað heitir hinn umdeildi formaður yfirkjörstjórnar í norðvesturkjördææmi?

6.  Anna, Elísabet, Katrín, María, Viktoría. Konur með þessum fimm nöfnum hafa allar setið í hásæti Englands/Bretlands sem drottningar í eigin nafni. Sem raunverulegir valdamenn, semsé. En reyndar er eitt nafnið fals. Engin kona með því nafni hefur verið drottning þar í landi nema þá sem kona mannsins síns. Hvað af þessum nöfnum er hér um að ræða?

7.  Hvers kona fugl er álka?

8.  Á hvaða skaga er ríkið Kosovo?

9.  Hvaða bandaríski tónlistarmaður rak í áratug (1964-1975) hina tilraunakenndu en glaðhlakkalegu rokkhljómsveit The Mothers of Invention?

10.  Hvað heitir nyrsta eyja Íslands?

***

Seinni aukaspurning:

Hver er sú hin íslenska kona á myndinni hér að neðan?

***

Svör við aðalspurningum:

1.  Snæfellsnesi.

2.  Þórbergur Þórðarson.

3.  Birnir.

4.  Tinna Gunnlaugsdóttir.

5.  Ingi Tryggvason.

6.  Katrín. 

7.  Svartfugl.

8.  Balkanskaga.

9.  Zappa.

10.  Kolbeinsey.

***

Svör við aukaspurningum:

Á efri myndinni er fáni Rússlands.

Á neðri myndinni er Kristín Ingólfsdóttir fyrrverandi rektor Háskóla Íslands.