560. spurningaþraut: Hér reynir á kunnáttu í Biblíusögunum

Hér eru komnar spurn­ingar upp úr Bibl­í­unni. Fyrri auka­spurn­ing er ein­föld: Hvað heita kon­urnar tvær á mynd­inni hér að ofan?

***

Aðal­spurn­ingar:

1.  „Í upp­hafi var orðið og orðið var hjá guði og orðið var guð.“ Hvaða bók Bibl­í­unnar hefst á þessum orðum?

2.  Hvað hét sá sonur Jakobs sem fluttur var til Egifta­lands eftir að bræður hans höfðu selt hann í þræl­dóm, en átti eftir að verða þar mekt­ar­maður?

3.  Hve marga læri­sveina gerði Jesúa að sér­stökum postulum sínum?

4.  Í Gamla testa­ment­inu segir frá því að Ísra­els­menn vildu legga undir sig víg­girta borg og gengu kringum hana blásandi í lúðra og hrundu þá múrar borg­ar­innar. Hvaða borg var það?

5.  Á hvaða fjalli fékk Móse boð­orðin tíu frá guði?

6.  Hvað voru aðrir Ísra­els­menn flestir að gera á meðan Móse var á fjall­inu að ráðg­ast við guð?

7.  Í spá­dóms­bók Jesaja segir um fram­tíð­ina: „Urð­ar­kettir og sjakalar munu koma þar saman og geita­púkar munu mæt­ast þar. Þar staldrar Lilít einnig við og finnur þar hvíld­ar­stað.“ Þetta er í eina skiptið í Bibl­í­unni sem Lilít er nefnd á nafn og virð­ist hún þá orðin ein­hvers konar næt­ur­norn. En sam­kvæmt þjóð­sögum Gyðinga hafði Lilít upp­haf­lega allt annað hlut­verk, en það var svo vand­lega þaggað niður. Því Lilít var í þjóð­sög­unum sögð vera ...?

8.  Hvað hét róm­verski land­stjór­inn sem hafði umsjón með kross­fest­ingu Jesúa frá Nasaret?

9.  Í Nýja testa­ment­inu eru fjórir bræður Jesúa frá Nasaret nefndir á nafn. Hvað hétu þeir? Nefna þarf tvo þeirra rétt til að fá stig.

10.  „Og ég sá er lambið rauf sjötta inn­siglið að mik­ill land­skjálfti varð og sólin varð svört sem hæru­sekkur og allt tunglið varð sem blóð. Og stjörnur him­ins­ins hröp­uðu niður á jörð­ina eins og þegar fíkju­tré, skekið af storm­vindi, fellir haustaldin sín. Og him­inn­inn svipt­ist burt eins og þegar bók­fell vefst saman og hvert fjall og ey færð­ist úr stað sínum. Konungar jarð­ar­innar, höfð­ingjar og her­for­ingjar, auð­menn og mekt­ar­menn, hver þræll og þegn fólu sig í hellum og í hömrum fjalla.“ Hvaða bók Bibl­í­unnar birtir þessa ugg­væn­legu fram­tíð­ar­spá?

***

Seinni auka­spurn­ing:

Hvað heitir Ísra­els­kon­ung­ur­inn á mynd­inni hér að neðan?

***

Svör við aðal­spurn­ingum:

1.  Jóhann­es­ar­guð­spjall.

2.  Jósef.

3.  Tólf.

4.  Jeríkó.

5.  Sínaí.

6.  Þeir döns­uðu kringum gull­kálf.

7.  Hún var sögð vera fyrsta kona Adams — á undan Evu, sem sé — en „kona Adams“ nægir alveg.

8.  Pílatus.

9.  Þeir hétu Jakob, Jóse (eða Jósef), Símon og Júdas. Hafa þarf tvö nöfn rétt til að fá stigið góða.

10.  Opin­ber­un­ar­bók Jóhann­esar.

***

Svör við auka­spurn­ingum:

Á efri mynd­inni má aug­ljós­lega sjá þær Mörtu og Maríu. María sat við fót­skör meist­ar­ans og hlýddi á orð hans en Marta mædd­ist í mörgu.

Á neðri mynd­inni dæmir hinn vitri Salómon kon­ungur í máli þar sem tvær konur sögð­ust eiga sama barnið.