Fyrri aukaspurning:

Í hvaða borg bjó konan á myndinni hér að ofan, þá myndin var tekin?

***

Aðalspurningar:

1.  Kim Kardashian er víðfræg bandarísk sjónvarpsstjarna. Nafnið Kim er stytting á skírnarnafni hennar sem er ...?

2.  Kardasian-fólkið er ættað frá tilteknu landi í Kákasus-fjöllum, eins og -ian endingin á nafninu bendir til. Hvaða land er það?

3.  Önnur bandarísk söng-, kvikmynda- og sjónvarpsstjarna er líka ættuð frá sama landinu í Kákasus-fjöllum og ber ættarnafn sem líka endar á -ian, en hún notar það að vísu aldrei þegar hún kemur fram — heldur aðeins skírnarnafn sitt, eða réttara sagt styttingu á skírnarnafni sínu. Hvaða vinsæla söng- og leikstjarna er þetta? Lárviðarstig fá þeir sem þekkja ættarnafnið úr fjöllunum!

4.  Fyrst við erum stödd í bandaríska skemmtibransanum, þá skal næst spurt um leikara af karlkyni sem fékk Óskarsverðlaun fyrir leik í aðalhlutverki árið 1994 fyrir hlutverk sitt í myndinni Philadelphia, þar sem hann lék lögfræðing sem er rekinn úr vinnu vegna þess að hann þjáðist af tilteknum sjúkdómi. Hvað heitir leikarinn?

5.  En hvaða sjúkdómur þótti svo óttalegur árið 1994?

6.  Svo brá við að ári seinna fékk leikarinn aftur Óskarsverðlaun fyrir bestan leik karla í aðalhlutverki. Myndin heitir eftir persónunni sem leikarinn lék, óvenjulegum en víðörlum manni, sem hét ...?

7.  Árið 390 fyrir Krist görguðu gæsir í borg einni frægri, og vöruðu íbúana við því að árásarmenn nálguðust. Hvaða borg var þetta?

8.  En í hvaða ríki er borgin Graz?

9.  Hvaða vikudagur var áður fyrr kallaður Týsdagur?

10.  Þekkt Íslendingasaga hefst á þessa leið: „Það var á dögum Haralds konungs hins hárfagra, Hálfdanar sonar hins svarta, Guðröðar sonar veiðikonungs, Hálfdanar sonar hins milda og hins matarilla, Eysteins sonar frets, Ólafs sonar trételgju Svíakonungs, að sá maður kom skipi sínu til Íslands í Breiðdal, er Hallfreður hét. Það er fyrir neðan Fljótsdalshérað. Þar var á skipi kona hans og sonur, er [XXX] hét. Hann var þá fimmtán vetra gamall, mannvænn og gervilegur.“ Hvað hét þessi sonur, sem sagan dregur jafnframt nafn sitt af?

***

Seinni aukaspurning:

Sverðið hér að neðan fannst fyrir eitthvað um þrem vikum á fjögurra metra dýpi í sjó. Hvaða hópi manna er talið víst að sverðseigandinn hafi tilheyrt?

***

Svör við aðalspurningum:

1.  Kimberley.

2.  Armeníu.

3.  Cher. Hún heitir fullu nafni Cherilyn Sarkisian.

4.  Tom Hanks.

5.  AIDS.

6.  Forrest Gump.

7.  Róm.

8.  Austurríki.

9.  Þriðjudagur.

10.  Hrafnkell. Sagan er Hrafnkelssaga Freysgoða.

***

Svör við aukaspurningum:

Hún Suze Rotolo bjó að sjálfsögðu í New York þegar myndin var tekin.

Hún var þá kærasta Bob Dylans tónlistarmanns og mynd af þeim saman prýddi umslagið á nýrri plötu Dylans.

Þau skötuhjú bjuggu þá í New York eins og allir hljóta að vita.

Freewheeling' hét platan.

Sverðið á neðri myndinni var aftur á móti í eigu krossfara. 

Ég ætla að gefa rétt líka fyrir musterisriddara, enda gæti krossfarinn hafa tilheyrt reglu þeirra.

Hér að neðan eru svo hlekkir á eldri þrautir.