Fyrri aukaspurning:

Hvað er að gerast á myndinni hér að ofan?

***

Aðalspurningar:

1.  Hvað hét höfundur bókanna um Múmínálfana?

2.  Múmínálfarnir áttu góðan vin sem þurfti þó stundum að vera út af fyrir sig og fór til dæmis alltaf suður á haustin í stað þess að leggjast í dvala með Múmínálfunum. Þessi vinur spilaði líka listavel á munnhörpu og hét ... hvað?

3.  Árið 1997 urðu þeir Björn Ólafsson, Einar Stefánsson og Hallgrímur Magnússon fyrstir Íslendinga til að vinna ákveðið afrek. Síðan hefur um tugur landa vorra endurtekið afrek þetta, sem var að ... gera hvað?

4.  Í hvaða landi eru Fiat bílar upprunnir?

5.  Kuala Lumpur er höfuðborg hvaða ríkis?

6.  Hótel eitt var stofnað í Reykjavík árið 1965. Það þótti þá eitt allra mesta lúxushótel í Reykjavík og er það kannski enn, hvað veit ég, ég hef aldrei gist þar. Hótelið er lítið, ekki nema um 40 herbergi, en er líka frægt fyrir vandað safn af listaverkum sem er þar upp um alla veggi, ekki síst á barnum. Hvað heitir hótelið?

7.  Hvar störfuðu væringjar fyrst og fremst fyrir 1000 árum?

8.  Afi minn fór eitt sinn í stutt ferðalag og fór ríðandi. Hvað hét hesturinn hans? 

9.  Hversu mörgum þingmönnum tapaði VG í kosningunum í september?

10.  En hversu marga þingmenn vann Framsóknarflokkurinn?

***

Seinni aukaspurning:

Hvaða dýr sést á myndinni hér að neðan?

***

Svör við aðalspurningum:

1.  Tove Jansson.

2.  Snúður.

3.  Klífa Everest.

4.  Ítalíu.

5.  Malasíu.

6.  Holt.

7.  Í Miklagarði eða Konstantínópel. Þótt Istanbul sé í rauninni ekki rétt svar, þar eð borgin hét það alls ekki þegar væringjar voru þar í lífverði keisarans, þá var þetta nú samt borgin og ég gef því rétt fyrir það svar líka. En ekki búast við svona linkind framvegis!

8.  Rauður.

9.  Þremur.

10.  Fimm.

***

Á efri myndinni má sjá stríðsglæparéttarhöldin í Nürnberg, þar sem réttað var yfir leiðtogum þýskra nasista.

Á neðri myndinni er otur.