Fyrri aukaspurning:

Hver er konan sem þarna flytur fyrirlestur?

***

Aðalspurningar:

1.  Jacques Honoré Rainier Grimaldi er bara sex ára. Vænta má þess að eftir 10-20 ár fari fjölmiðlar að fylgjast nokkuð vel með piltinum. Hvers vegna?

2.  Hver var bóndi í Dalbæ í Hrunamannahreppi 1987–1994?

3.  Þórðarhyrna heitir eldfjall eitt á Íslandi. Síðast gaus í fjallinu 1903 og stóð með hléum í 7,5 mánuði. Jökulhlaup varð sem truflaði danska landmælingamenn, segir á Wikipedíu, og öskufalls varð vart á landinu, meðal annars í Reykjavík. Flúoreitrunar varð vart í sauðfé austanlands. Annað gos á nútíma er talið hafa orðið árið 1753 með tilheyrandi jökulhlaupum. Hvar er Þórðarhyrna?

4.  Hvað hét þrumuguð norrænna manna til forna?

5.  Hvað er það sem kallast lupinus nootkatensis á latínu?

6.  Stjórnmálamaður einn heitir Nicola Sturgeon. Hvaða starfi gegnir hún?

7.  Hvað þýðir orðið veifiskati?

8.  Einræðisherrar og herstjórar í landi einu báru titilinn shōgun. Í hvaða landi?

9.  Kasper, Jesper og ... hver?

10.  Í hvaða landi eru Appalatsíu-fjöll?

***

Seinni aukaspurning:

Hvaða hljómsveit er þarna að þenja sig fyrir 40 árum eða svo?

***

Svör við aðalspurningum:

1.  Hann er krónprins í Monaco.

2.  Sigurður Ingi Jóhannsson.

3.  Undir Vatnajökli.

4.  Þór.

5.  Lúpína

6.  Forsætisráðherra Skotlands.

7.  Aumingi. Allskonar samheiti við aumingja eru tekin hér góð og gild.

8.  Japan.

9.  Jónatan.

10.  Bandaríkjunum.

***

Svör við aukaspurningum:

Á efri myndinni er Halldóra Mogensen alþingismaður.

Á neðri myndinni er hljómsveitin The Who.