Skýrar línur í fullyrðingum um efnahagsmál

Yfir­gnæf­andi meiri­hluti þeirra sem tekið hafa kosn­inga­próf Stund­ar­innar telja að leggja ætti stór­eigna­skatt á fólk sem á yfir 200 millj­ónir króna í hreinni eign. Að sama skapi telur svipað hlut­fall að rétt sé að hækka skatta á arð­greiðslur fyr­ir­tækja til eig­enda þeirra. Yfir­gnæf­andi meiri­hluti telur líka að hækka eigi per­sónu­af­slátt veru­lega, alls 83 pró­sent. Þá eru 70 pró­sent á því að bjóða eigi upp afla­heim­ildir í sjáv­ar­út­vegi og afla með því rík­is­sjóði tekna með mark­aðs­verði fyrir fisk­veiði­kvóta.

Þetta er meðal þeirra nið­ur­staðna þar sem greina má hvað skýrastar línur í afstöðu fólks sem tekið hefur kosn­inga­próf Stund­ar­innar fyrir alþing­is­kosn­ing­arnar 2021. Prófið er mjög ítar­legt, alls 68 spurn­ingar. Efstu fimm fram­bjóð­endum þeirra tíu flokka sem bjóða fram á lands­vísu var boðið að senda sín svör inn, alls 300 manns, og svör­uðu um tveir þriðju fram­bjóð­enda boð­inu. Tíu þús­und manns höfðu tekið prófið þegar Stundin fór í prentun í gær.