Fyrri aukaspurning:

Á myndinni hér að ofan, sem var tekin 1840, má sjá Dorothy Catherine Draper sem bjó í New York. Hver er ástæðan fyrir því að hún á sér sinn sess á spjöldum sögunnar?

***

Aðalspurningar:

1.  Arthúr Björgvin Bollason hefur lengi verið sérlegur fréttaritari Ríkisútvarpsins ... í hvaða borg?

2.  Hvaða starfi hafa þessir karlar (ásamt öðrum) gegnt undanfarinn aldarfjórðung: Thorbjørn Jagland, Kjell Magne Bondevik og Jens Stoltenberg?

3.  Hvar var Ísland lýst lýðveldi þann 17. júní 1944?

4.  Til hvaða lands telst Messina-sund?

5.  Rómeó og Júlía heitir leikrit sem nýlega var frumsýnt í Þjóðleikhúsinu. Í hvaða landi gerist leikritið?

6.  Hver er leikstjóri sýningarinnar nú?

7.  GPS er alþjóðleg staðsetningartækni. Fyrir hvað stendur hin enska skammstöfun?

8.  Hvaða bandaríska hljómsveit sendi frá sér lagið Losing My Religion árið 1991?

9.  Hvað hét 17 ára brasilískur piltur sem varð heimsmeistari í fótbolta ásamt félögum sínum árið 1958?

10.  Hvaða félag heldur úti skipinu Vilhelm Þorsteinssyni EA 11?

***

Seinni aukaspurning:

Hér að neðan má sjá þjóðfána níunda stærsta ríkis í heimi. Hvað heitir það?

***

Svör við aðalspurningum:

1.  Berlín.

2.  Forsætisráðherrar í Noregi.

3.  Á Þingvöllum.

4.  Ítalíu.

5.  Ítalíu.

6.  Þorleifur Örn.

7.  Global Positioning System.

8.  R.E.M.

9.  Pelé.

10.  Samherji.

***

Svör við aukaspurningum:

Myndin af Dorothy Catherine Draper er elsta portrett-myndin sem varðveist hefur af manneskju. Orðið „hún“ í spurningunni á við myndina, ekki manneskjuna. Hér að neðan má sjá myndina (sem er „daggerótýpa“) alla, til fróðleiks og skemmtunar.

Á neðri myndinni er fáni Kasakstans.

***

Gáið svo á eldri þrautir. Hlekkir á þær eru hér að neðan.