Þið vitið núorðið, er það ekki, að hlekkir á nálægar þrautir er að finna hér allra neðst?
***
Fyrri aukaspurning:
Málverkið hér að ofan sýnir fund tveggja manna í kjölfar mikillar og örlagaríkrar orrustu árið 1870. Hvað heita þessir menn? Nefna verður báða.
***
Aðalspurningar:
1. Hver var viðskiptaráðherra í fyrri ríkisstjórn Jóhönnu Sigurðardóttur árið 2009?
2. En hver var umhverfisráðherra í þeirri sömu stjórn?
3. Í hvaða landi er borgin Kraków?
4. Hver skrifaði smásöguna Morðin við Rue Morgue, sem stundum er kölluð fyrsta leynilögreglusagan?
5. Hvað hét viskugyðja Forn-Grikkja?
6. Hvað hét langfrægasta landnámskona Íslands samkvæmt fornum heimildum?
7. Hvar á landinu settist hún að?
8. Önnur landnámskona hét Þuríður sundafyllir. Hvar nam hún land?
9. Hvaða jurt er sagt að blóðsugur eins og Dracula óttist mjög?
10. Í landi einu, frekar litlu (einn fimmti af Íslandi), voru framin 3.340 morð árið 2018, sem þýddi að landið — eins og oftast, því miður — efst á lista yfir hlutfallslegan fjölda morða í landinu. Þar eð íbúar í landinu eru tæpar sjö milljónir þýddi þetta að hið tiltekna ár voru 52 af hverjum 100.000 íbúum myrtir. Samsvarandi morðæði á Íslandi hefði þýtt að nærri 200 manns væru féllu fyrir morðingjahendi á hverju ári. Hvaða land er svona hættulegt?
***
Seinni aukaspurning:
Á vef Náttúrufræðistofnunar fann ég þessa ljósmynd Arnþórs Garðarssonar og stóðst ekki mátið að fá hana „lánaða“ og spyrja:
Hvar er hún tekin?
***
Svör við aðalspurningum:
1. Gylfi Magnússon.
2. Kolbrún Halldórsdóttir.
3. Póllandi.
4. Poe.
5. Aþena.
6. Auður djúpúðga. Stundum er hún þó kölluð Unnur.
7. Í Dölum.
8. Í Bolungarvík.
9. Hvítlauk.
10. El Salvador.
***
Á efri myndinni ræðast þeir við hinn sigraði Napoleon 3. keisari og Bismarck kanslari Prússlands (síðar Þýskalands). Í orrustunni við Sedan gjörsigruðu Þjóðverjar Frakka.
Neðri myndin er tekin í Hvalfirði.
***
Og lítið svo á hlekkina hér að neðan!
Athugasemdir