„Ég held við séum komin á góðan stað,“ segir Þórólfur Guðnason sótt­varna­læknir um stöðu bólu­setn­ingar. Nú hafa 47 pró­sent fólks eldri en 16 ára verið bólu­sett að fullu og 29 pró­sent sama hóps bólu­sett með fyrri skammti þeirra bólu­efna sem krefj­ast tveggja. Erfitt sé hins vegar að segja til um hvort hjarð­ó­næmi hafi mynd­ast. „Það veit eng­inn nákvæm­lega hvaða tala það er, enda er hjarð­ó­næmi ekki þannig að það sé ann­að­hvort eða. Það ger­ist hægt og bít­andi,“ segir hann.

„Þetta er ekki bara on eða off, að við 59 pró­sent, þá fari allt til fjand­ans en við 61 pró­sent sé allt í góðu,“ segir Þórólfur. „Jafnvel þegar það eru komin 20 til 30 pró­sent virkar það til að hamla útbreiðsl­una. Eftir því sem útbreiðslan og þátt­takan eykst þá minnka lík­indin á því að við fáum ein­hverjar stórar sýk­ingar.“ 

„Þetta er ekki bara on eða off, að við 59 pró­sent, þá fari allt til fjand­ans en við 61 pró­sent sé allt í góðu.“

Til við­bótar við þá sem hafa fengið bólu­setn­ingu eru um 2,2 pró­sent fólks eldra en sextán ára búið að fá COVID og myndað mótefni við sjúk­dómnum. Samtals eru því 78,1 pró­sent þessa hóps með mótefni. Erfitt er að meta hvort og hvenær full virkni er komin fram, en það er ólíkt eftir þeim bólu­efnum sem gefin eru. 

Staðan er hins vegar nokkuð góð, að mati sótt­varn­ar­læknis. „Við erum komin ansi langt. Við erum komin með rúm­lega 60 pró­sent af þjóð­inni sem hefur fengið að minnsta kosti eina sprautu.“ segir hann og bætir við: „En við þurfum að ná betri þátt­töku yngri hópanna.“