Þraut frá í gær.

***

Í til­efni þjóð­há­tíð­ar­dags­ins verða allar spurn­ing­arnar í dag um Ísland eða Íslend­inga á einn eða annan hátt.

Og fyrri auka­spurn­ingin er til dæmis þessi:

Hvaða íslenska hljóm­sveit stillir sér upp á mynd­inni hér að ofan?

***

Aðal­spurn­ingar:

1.  „Svo er sagt, að menn skyldu fara úr Noregi til Færeyja; nefna sumir til [...] vík­ing; en þá rak vestur í haf og fundu þar land mikið.“ Svo segir í Landnámu. Hvað nefn­ist vík­ing­ur­inn sem fyrstur fann Ísland sam­kvæmt þess­ari frá­sögn?

2.  „Þá kom maður hlaup­andi og sagði að jarð­eldur var upp kom­inn í Ölfusi og mundi [hraunið] hlaupa á bæ Þórodds goða [sem tekið hafði kristni]. Þá tóku heiðnir menn til orðs: „Eigi er undur í, að goðin reið­ist ...“ Þá mælti [einn við­staddra]: „Um hvað reidd­ust goðin, þá hér brann hraunið, er nú stöndum vér á?“ — Svo segir í Kristni­sögu, en hver mælti svo sköru­lega?

3.  „Allir vildu [HVERJA] kveðið hafa.“ Svo segir mál­tækið og á við kvæði sem hét ...?

4.  Íslend­ingar hafa gjarnan stært sig af því gegnum tíð­inda að vera allir komnir af Jóni bisk­upi Arasyni sem uppi var á fyrri hluta 16. aldar. Þá gleym­ist yfir­leitt að sé svo, þá eru þeir jafn­framt allir komnir af konu Jóns bisk­ups — sem nefnd­ist að vísu fylgi­kona, en ekki eig­in­kona, þar eð hann var guðs­maður. En hvað hét kona Jóns Arasonar? Fornafn hennar nægir.

5.  Og þá liggur nú beint við að leggja fram hina klass­ísku Trivial-spurn­ingu: Hvað hét kona Jóns Sig­urðs­sonar sem nefndur var for­seti? Að þessu sinni verður fullt nafn að skila sér.

6.  Hvaða fjörður er á milli Siglu­fjarðar og Ólafs­fjarðar?

7.  Snemma á 20. öld reis havarí mikið við Reykja­vík­ur­höfn þegar ungur maður reri þar um fána sem margir töldu tákn um sjálf­stætt Ísland. Hvernig var sá fáni?

8.  Maður nokkur stofn­aði um svipað leyti félagið Títan. Fyrir hverju átti það að beita sér?

9.  Nafnið á frægu fjalli íslensku er talið merkja „flögu­stein“ sem gjarnan var not­aður til að kveikja eld í eld­stæði. Hvaða fjall á Íslandi heitir því (lík­lega) í raun­inni Flögu­steinn?

10.  Hvaða ár fengu íslenskar konur kosn­inga­rétt?  

***

Seinni auka­spurn­ing:

Að gefnu til­efni, hvaða staður er þetta?

***

Svör við aðal­spurn­ingum:

1.  Naddoddur, Naddoður.

2.  Snorri goði.

3.  Lilju.

4.  Helga.

5.  Ingi­björg Ein­ars­dóttir.

6.  Héð­ins­fjörður.

7.  Hvítur kross á bláum grunni, „blá­hvíti fán­inn“.

8.  Virkjun fossa.

9.  Esjan.

10.  1915.

***

Svör við auka­spurn­ingum:

Á efri mynd­inni er hljóm­sveit Ólafs Gauks.

Með henni tróð upp söng­konan Svan­hildur Jak­obs­dóttir.

Á neðri mynd­inni er aftur á móti Vík í Mýrdal, sögu­svið sjón­varps­s­er­í­unnar Kötlu sem sýn­ingar hefj­ast á á Netflix í dag.

***

Og þrautin frá í gær.