Ítalíuþrautin í gær, hér er hlekkur á hana.
***
Fyrri aukaspurning:
Hvað heitir konan, sem hér að ofan mundar skotvopn?
***
Aðalspurningar:
1. Hver skrifaði skáldsöguna Vængjasláttur í þakrennum?
2. Í hvaða hljómsveit er Árný Fjóla Ásmundsdóttir?
3. Hvað heitir hafnarborg Aþenu, höfuðborgar Grikklands?
4. Hvaða dýr var tákn gyðjunnar Aþenu?
5. Hvaða tónlistarmaður hefur gefið út plöturnar Planet Waves (1974), Saved (1980) og Together Through Life (2009)?
6. Í vinsælli bók sem skrifuð var á 19. öld segir frá skipinu Pequod og margvíslegum ævintýrum og raunum sem áhöfn skipsins lendir í. Hvers konar skip var Pequod?
7. Í hvaða bæ býr Daði Freyr prímus mótor Gagnamagnsins?
8. Hvað hét gjaldmiðill Ítalíu áður en evran var þar upp tekin?
9. „Forsetinn á ekki sjö dagana sæla – það getur verið flókið að vera þjóðhöfðingi. En nú hefur hann fengið góða gesti frá útlöndum: Kóng, drottningu og prinsessu! Sautjándi júní nálgast og þá á að veita alls konar duglegu fólki fálkaorðu. En ótalmargt gerist áður en fálkaorðuveislan getur byrjað.“ Hvað heitir bókin sem svo er lýst?
10. Víti í Vestmannaeyjum, Aukaspyrna á Akureyri, Rangstæður í Reykjavík, Gula spjaldið í Gautaborg, Barist í Barcelona. Hver stuðlaði svo fagurlega heitin á bókum sínum?
***
Síðari aukaspurning:
Hvað heitir þessi hljómsveit frá Selfossi, sem vann Músíktilraunir 2012?
***
Svör við aðalspurningum:
1. Einar Már.
2. Gagnamagninu.
3. Píreus.
4. Ugla.
5. Bob Dylan.
6. Hvalveiðiskip.
7. Berlín.
8. Líra.
9. Prinsessan á Bessastöðum.
10. Gunnar Helgason.
***
Svör við aukaspurningum:
Á efri myndinni er kvikmyndastjarnan Charlize Theron.
Á neðri myndinni er hljómsveitin RetRoBot. Daði Freyr er annar frá hægri.
***
Athugasemdir