Stjórnarþingmaður vill skylduvist á sóttkvíarhóteli

Kolbeinn Ótt­ars­son Proppé, þing­maður Vinstri grænna, vill að laga­stoð fyrir skyldu þeirra sem koma inn um landa­mærin að dvelja á sótt­kví­ar­hót­eli verði styrkt. Hér­aðs­dómur komst að þeirri nið­ur­stöðu 5. apríl að reglu­gerð um slíkt hefði skort laga­stoð og þannig hefði verið gengið lengra en lög leyfa. Komu­far­þegar mættu því vera í heima­sótt­kví.

„Ég er ein­faldur maður og horfi til ein­faldra lausna,“ skrifar Kolbeinn í grein í Frétta­blað­inu í dag. „Ef vantar að styrkja laga­stoð undir sótt­kví­ar­hótel, þá styrkjum við laga­stoð undir sótt­kví­ar­hótel. Ávinn­ing­ur­inn af slíku er ótví­ræður; við hljótum öll að vilja að hægt sé að slaka enn frekar á klónni inn­an­lands. Átt frjáls­ara sumar. Frekar en að herða reglur aftur.“

RÚV greindi frá því í gær að Svandís Svav­ars­dóttir heil­brigð­is­ráð­herra mundi mögu­lega leggja fram frum­varp til að tryggja laga­stoð undir sótt­kví­ar­hótel og að málið yrði rætt á fundi rík­is­stjórnar í dag. Nokkur and­staða hefur verið við slíka skyldu innan Sjálf­stæð­is­flokks­ins.

Kolbeinn sagir árangur Íslands í sótt­vörnum hafa verið góðan og áhrif heims­far­ald­urs kór­ónu­veiru á dag­legt líf fólks hafi verið minni hér en víða á heims­byggð­inni. „Mörg voru því farin að líta sum­arið hýru auga; það yrði hægt að lifa enn frjáls­ara lífi hér en við þó gerum í dag. Til að svo megi verða þarf að tryggja að sótt­varnir séu áfram eins og best verður á kosið,“ skrifar hann.

„Eins og dæmin sanna þarf ekki nema örfá til­vik um að reglur séu ekki virtar“

„Það sama á við um landa­mærin; við verðum að hafa þær reglur þar við lýði sem tryggja sem bestar sótt­varnir,“ bætir Kolbeinn við. „Sótt­kví­ar­hótel er ein af þeim aðferðum sem talin var nauð­syn­leg til að tryggja sem bestar sótt­varnir. Reglu­gerð um það reynd­ist ekki hafa laga­stoð og því var fallið frá skyldu­vist í sótt­kví­ar­hót­eli. Þess í stað treystum við á að fólk sem kemur yfir landa­mærin virði allar reglur um sótt­kví; líka nýju og strang­ari regl­urnar sem voru settar eftir úrskurð um sótt­kví­ar­hótel. Eins og dæmin sanna þarf ekki nema örfá til­vik um að reglur séu ekki virtar í hví­vetna, kannski bara eitt, til að smit breið­ist út.“