Félag í eigu Róberts Wessman, for­stjóra sam­heita­lyfja­fyr­ir­tæk­is­ins Alvogen, hefur keypt húsið í Þing­holts­stræti, sem hýsti Borg­ar­bóka­safn Reykja­víkur til margra ára, af íslensku eign­ar­halds­fé­lagi sem er í eigu und­ir­manns hans hjá lyfja­fyr­ir­tæk­inu Alvogen, Árna Harð­ar­syni, og starfs­manni Alvogen í Banda­ríkj­unum, Divya C Patel. Félagið sem kaupir húsið heitir Þ29 ehf.

Eign­ar­halds­fé­lagið sem á meiri­hluta í íslenska félag­inu sem selur húsið heitir Aztiq Cayman og er skráð í skatta­skjól­inu Cayman-eyjum. Kaup­verðið er 410 millj­ónir króna. 

Í svörum frá Láru Ómars­dóttur, upp­lýs­inga­full­trúa fjár­fest­ing­ar­fé­lags Róberts Wessmann, Aztiq, kemur fram að félagið sem kaupir húsið sé í eigu eign­ar­halds­fé­lags í eigu Róberts sem heitir Hrjáf ehf.  Þ29 ehf. var áður í eigu und­ir­manns Róberts hjá Alvogen, Jóhanns Guðlaugs Jóhanns­sonar, og er hann ennþá skráður eig­andi félags­ins í fyr­ir­tækja­skrá Rík­is­skatt­stjóra.

Lára segir að þessar upp­lýs­ingar um eign­ar­hald Jóhanns séu ekki réttar þar sem þær hafi ekki verið upp­færðar: „Hrjáf er í eigu Aztiq og þannig undir …