Hér er hlekkur á hinar bráðskemmtilegu spurningar síðan í gær.

***

Aukaspurning eitt:

Á myndinni að ofan má sjá „leynivopn“ sem tekið var í notkun í síðari heimsstyrjöld. Hvað kallaðist það?

***

Aðalspurningar:

1.   Fyrirtækið Marel er eitt hið öflugasta á Íslandi og reyndar orðið alþjóðafyrirtæki fyrir löngu. Það var stofnað árið 1983 og snerist upphaflega um ákveðna græju sem gerði hvað?

2.   Hvað heitir höfuðborgin í Tjíle?

3.   Hvað hét sá forseti Tjíle sem var drepinn þegar herforingjar rændi völdum í landinu árið 1973?

4.   Hvaða liði í ensku knattspyrnunni stjórnar Pep Guardiola?

5.   Hvað gerði hin enska Jane Austen sér til frægðar?

6.   Hvað var ættarnafn Díönu prinsessu?

7.   Á pönktímanum kom fram á sjónarsviðið mjög litrík og skemmtileg þýsk söngkona sem söng og trallaði á alþjóðavettvangi í nokkur ár, og sló sérstaklega í gegn með plötunni Unbehagen. Hún hefur ekki verið mikið í sviðsljósi umheimsins síðan, nema helst þegar pönktíminn er rifjaður upp, en gefur þó reglulega út plötur og fæst við ýmislegt fleira. Hvað heitir hún?

8.   Lögbók Hammúrabís konungs var skrifuð á leirtöflur fyrir nærri 4.000 árum og er líklega elsta lögbókin sem vitað er um. En í hvaða borgríki var Hammúrabí konungur?

9.   Hvað hét frægi handritasafnari sem bjargaði ótal mörgum íslenskum handritum frá glötun í byrjun átjándu aldar, þótt sum þeirra brynnu svo reyndar í miklum bruna í Kaupmannahöfn?

10.   Í hinum alþjóðlega kvikmyndaheimi hefur Kathryn Bigelow náð að vinna árið 2010 afrek eitt, sem engri konu hafði áður tekist, og hefur heldur ekki lukkast neinni konu síðan. Hvað mundi það vera?

***

Aukaspurning tvö:

Hver er þessi ungi drengur?

***

Svör við aðalspurningum:

1.   Vigtaði fisk.

2.   Santiago.

3.   Allende.

4.   Manchester City.

5.   Skrifaði skáldsögur.

6.   Spencer.

7.   Babýlon.

8.   Nina Hagen.

9.   Árni Magnússon.

10.   Hún var fyrsta og hingað til eina konan sem hefur fengið Óskarsverðlaun sem leikstjóri kvikmyndar.

***

Svör við aukaspurningum:

Fljúgandi sprengjan á efri myndinni var nefnt V1 – fullu nafni Vergeltungswaffen 1 en V1 dugar alveg. V2 er hins vegar alrangt, svo það sé nú sagt. V2 var eldflaug. V1 var þýsk smíð en óþarfi að vita það.

Á neðri myndinni má sjá Winston Churchill.

***

Aftur hlekkurinn á spurningar gærdagsins.