Þetta og svo ótal margt fleira er á döfinni næstu þrjár vikurnar. Athugið að tímasetningar gætu breyst með stuttum fyrirvara vegna samkomubanns.

Ég kem alltaf aftur

Mynd: Heiða Helgadóttir

Hvar? Iðnó
Hvenær? 29. & 30. ágúst kl. 16.00 & 18.00
Aðgangseyrir: Ókeypis!

Árið 1980 kom pólski leikstjórinn Tadeusz heitinn Kantor til ársins og flutti leiksýninguna Ég kem aldrei aftur á Listahátíð í Reykjavík. Nú, 30 árum síðar, flytur leikhópurinn Reykjavík Ensemble verkið Ég kem alltaf aftur sem er virðingarvottur við Kantor og framlag hans til sviðslista á 20. öld. Leiksýningin er sýnd sem verk í vinnslu, en takmark hennar er að heiðra listræna sýn Kantors og í senn varpa fram spurningum um núverandi félagslegan raunveruleika Pólverja og annarra innflytjenda. Reykjavík Ensemble er alþjóðlegur leikhópur sem hefur það markmið að fagna fjölmenningunni sem hefur fest rætur sínar á Íslandi.

Umbreyting

Hvar? Flæði
Hvenær? Til 25. ágúst
Aðgangseyrir: Ókeypis!

Ástralska listakonan Nara Walker rannsakar kvenleika á þessari listsýningu. Til sýnis eru olíuverk sem endurspegla uppruna, fortíð, uppeldi, margbreytileika sjálfsins og umbreytingu í tímans rás. Einnig verður spilað 20 mínútna hljóðverk sem samanstendur af upptöku ellefu kvenradda um hitt kynið. Öll verkin tala saman til að segja sögu og varpa fram lifðum veruleika.

Lucy in Blue

Hvar? Gaukurinn
Hvenær? 22. ágúst kl. 21.00
Aðgangseyrir: Ókeypis!

Sækadelísku og hárprúðu ærslabelgirnir í Lucy in Blue hafa notið dyggs stuðnings í gegnum árin og gáfu út samnefnda plötu árið 2016 auk plötunnar In Flight 2019. Flutt verður áður óheyrt efni sem kemur út á næstu breiðskífu sveitarinnar. Ekki fleiri en 100 manns verður hleypt inn.

Hjartsláttur

Hvar? Nýlistasafnið
Hvenær? 22. ágúst–4. október
Aðgangseyrir: Ókeypis!

Sýningin Hjartsláttur leiðir saman verk frá rúmlega fjörutíu ára myndlistarferli Ástu Ólafsdóttur, frá námsárum hennar til dagsins í dag. Öll endurspegla þau á sinn hátt óþreytandi eltingarleik Ástu við fjölbreyttar víddir veruleikans; þögnina, tómið, hljóð og tilfinningar, en líka vald, jafnvægi og aðra menningarheima.

Villiblómið

Hvar? Hafnarborg
Hvenær? 28. ágúst til 25. október
Aðgangseyrir: Ókeypis!

Villiblómið beinir linsunni að því sem er okkur svo kunnuglegt – hinn fínlegi jarðargróður – eins og hann skýtur rótum í nýjum frásögnum. Í gegnum þessa linsu fá áhorfendur tækifæri til að virkja sæg flókinna tilfinninga og dýpka vitund sína um hinn viðkvæma heim okkar og stöðu okkar í honum.

Fjörutíu skynfæri

Hvar? Gerðarsafn
Hvenær? 29. ágúst til 13. september
Aðgangseyrir: 1.000 kr.

Á sýningunni má sjá verk eftir nemendur sem útskrifuðust úr hönnun og arkitektúr frá Listaháskóla Íslands í júní 2020. Verkin eru lokapunkturinn á þriggja ára lærdómsferli nemenda og miðla persónulegri sýn þeirra á viðfangsefni sem snerta bæði félagslegan veruleika, tilfinningalíf, umhverfismál, iðnbyltingu, óvissu og framtíðina.

Ekkert er sorglegra en manneskjan

Hvar? Tjarnarbíó
Hvenær? 6., 10., 13., 19., 21. og 23. september
Aðgangseyrir: 4.400 kr.

Hamingjan, og fálmkennd leit manneskjunnar að henni, er viðfangsefni þessarar nýju íslensku óperu sem er flutt af næstu kynslóð af sviðslistafólki. Á sýningunni ráfa fjórar fígúrur um sviðið, leitandi að merkingu og velta því fyrir sér hvað færir þeim ánægju. 

Af fingrum fram: Björgvin Halldórsson

Hvar? Salurinn
Hvenær? 10. & 11. september kl. 20.30
Aðgangseyrir: Frá 4.950 kr.

Björgvin Halldórsson hefur verið hluti af íslenskri dægurtónlist í fjölda áratuga, en hann var ein af fyrstu poppstjörnum landsins á 7. áratugnum. Björgvin er meðal annars þekktur fyrir jólalögin sín fjölmörgu sem hann aðlagaði úr eldri ítölskum lögum. Hann mætir í Salinn þar sem hann tekur þátt í spjalltónleikaröðinni Af fingrum fram.

Fjölskyldu-myndlistarsýningin Draumar

Hvar? Ófeigur gullsmiðja
Hvenær? Til 12. september
Aðgangseyrir: Ókeypis!

Draumar er samsýning Huldu Vilhjálmsdóttur, Valgarðs Bragasonar og barna þeirra, Nínu Maríu og Braga Þórs. Á þriðja tug verka er til sýnis, en þeir einkennast allir af mikilli litadýrð og frjálsri tjáningu. Meðal verka er eitt stórt málverk sem fjölskyldan vann saman þar sem mismunandi stíltegundir þeirra blandast saman.

VHS biðst forláts

Hvar? Tjarnarbíó
Hvenær? 11. september kl. 19.00
Aðgangseyrir: 3.000 kr.

Á þessari uppist­ands­sýn­ing­u leika þre­menn­ing­arn­ir Vilhelm Neto, Hákon Örn og Stefán Ingvar sér með at­höfn­ina að baki því að biðj­ast af­sök­un­ar. VHS tilheyrir hópi yngri grínista landsins sem eru meðvitaðir um eigin forréttindi og gera fyrst og fremst grín að eigin reynslu eða athugunum úr nærumhverfinu.