Bíó Paradís mun opna við Hverf­is­götu á ný í haust. Nýtt sam­komu­lag hefur náðst við eig­endur húss­ins og upp­færslur hafa verið gerðar á sam­starfs­samn­ingum við ríki og borg.

Þetta kemur fram í til­kynn­ingu frá mennta- og menn­ing­ar­mála­ráðu­neyt­inu. Stefnt er að því að opna kvik­mynda­húsið á ný um miðjan sept­em­ber þegar tíu ár verða liðin frá því að starf­semi þar hófst. Bíó Paradís var lokað þegar Covid-19 far­ald­ur­inn hófst, en eig­endur húss­ins höfðu ætlað að þre­falda leigu­verð 1. maí, sem hefði bundið enda á veru starf­sem­innar í rým­inu.

„Vegna aðstæðna þurfti Bíó Paradís að segja upp öllu starfs­fólki síð­ast­liðið vor, en þá höfðu aðilar ekki náð saman um leigu­kjör og nauð­syn­legar end­ur­bætur og við­hald hús­næð­is­ins til lengri tíma,“ segir í til­kynn­ing­unni. „Það hefur nú tek­ist, eftir að máls­að­ilar slógu af ítr­ustu kröfum sínum og mætt­ust á miðri leið. Áfram­hald­andi starf­semi í kvik­mynda­menn­ing­ar­hús­inu við Hverf­is­götu hefur því verið tryggð.“

Hrönn Sveins­dóttir fram­kvæmda­stjóri Bíós Para­dísar seg­ist him­in­lif­andi með nið­ur­stöð­una og þakkar öllu stuðn­ings­fólki kvik­mynda­húss­ins, ráðu­neyt­inu, Reeykjavíkurborg og eig­endum húss­ins, félag­inu Karli Mikla ehf. „Við getum ekki beðið eftir að fara að sinna kvik­mynda­menn­ing­unni aftur og halda áfram að færa lands­mönnum öllum fjöl­breytta kvik­mynda­upp­lifun í betri aðstöðu,“ segir hún.

„Þetta er sann­kallað gleði­efni,“ er haft eftir Degi B. Egg­erts­syni borg­ar­stjóra í til­kynn­ing­unni. „Við erum með þessu að tryggja að Bíó Paradís sinni áfram þeirri mik­il­vægu menn­ing­ar­starf­semi sem hún hefur sinnt und­an­farin ára­tug. Bíóið er sann­kölluð vagga kvik­mynda­menn­ingar í Reykja­vík og á land­inu öllu. Þá er ótrú­lega mik­il­vægt að Hverf­is­gatan verði áfram heim­ili kvik­mynd­anna og haldi áfram að sjá kvik­mynda­þyrstum gestum fyrir fjöl­breyttu fram­boði af alls­konar bíó­myndum frá öllum heims­hornum.“

Lilja Alfreðs­dóttir, mennta- og menn­ing­ar­mála­ráð­herra segir mik­il­vægt að styðja við íslenska kvik­mynda­menn­ingu sem standi nú í blóma. „Í því sam­hengi gegnir Bíó Paradís mik­il­vægu hlut­verki, í sam­starfi við atvinnu­grein­ina, Kvik­mynda­mið­stöð Íslands og Kvik­mynda­safn Íslands. Við ráð­gerum að kynna með haustinu heild­stæða kvik­mynda­stefnu fyrir Ísland, þar sem m.a. er gert ráð fyrir rekstri öfl­ugs kvik­mynda­menn­ing­ar­húss. Starf­semi Bíós Para­dísar fellur vel að því mark­miði og ég hlakka til að sjá dyr þess opn­ast á ný.“