Svandís Svav­ars­dóttir heil­brigð­is­ráð­herra segir að það sé „tölu­verð áskorun fyrir ráð­herra að standa með Land­spít­ala þegar koma álykt­anir á færi­bandi sem tala um það að þessi stofnun sé nán­ast hætt við“. Þetta sagði hún á lok­uðum fundi með lækna­ráði í gær.

Undir lok erindis síns svar­aði Svandís spurn­ingum lækna úr sal. Ragnar Freyr Ingv­ars­son læknir gerði mál­efni bráða­mót­töku Land­spít­al­ans að umfjöll­un­ar­efni. „Það blasir við neyð­ar­á­stand á bráða­mót­töku sem við höfum öll ávarpað liðnar tvær vikur. Okkur langar mikið til að heyra hvað ráð­herra leggur til, bæði af fjár­magni og af góðum ráðum til að greiða úr þess­ari skelf­ingar flækju sem blasir við hér á hverjum degi og hefur blasað við liðið ár.“

„Það er tölu­verð áskorun fyrir ráð­herra að standa með Land­spít­ala þegar koma álykt­anir á færi­bandi“

Svandís svar­aði því til að mikið hefði nú þegar verið gert til að vinna á vand­anum. „En af því að Ragnar nefnir neyð­ar­á­stand og „skelf­ing­ar­flækja“ var orðið sem hann not­aði þá er orð­inn býsna langur listi af orðum og hug­tökum sem hafa verið not­aðar um ástandið á bráða­mót­tök­unni,“ sagði hún. „Raunar hefur það gengið svo langt að það er talað um ástandið á spít­al­anum almennt. Og ég verð bara að nota tæki­færið til að segja það við Læknaráð að það er tölu­verð áskorun fyrir ráð­herra að standa með Land­spít­ala þegar koma álykt­anir á færi­bandi sem tala um það að þessi stofnun sé nán­ast hætt við. Það er það. Vegna þess að á sama tíma og við erum að reyna að kalla eftir ungu fólki til starfa og við erum að reyna að tala um að það sé spenn­andi starfs­vett­vangur og mik­il­vægt að taka þátt í upp­bygg­ingu og fram­þróun heil­brigð­is­þjón­ust­unnar að þá er spurn­ing hversu mikið gagn er í því að leggja áherslu á hversu mik­ill skelf­ing­ar­vett­vangur er hér.“

Svandís bar umræð­una saman við það ef ein­staka deildir Háskóla Íslands væru sífellt að álykta um að það væri óráð­legt að stunda nám við skól­ann. „Orð eru til alls fyrst og þess vegna hef ég sagt að ég mundi vilja eiga fleiri hauka í horni þar sem eru læknar,“ sagði hún. „Vegna þess að læknar eru best mennt­aða stéttin á Íslandi. Leið­togar í sínu fagi. Leið­togar í því að byggja upp heil­brigð­is­þjón­ustu til lengri tíma og ég mundi vilja sjá að læknar tækju það hlut­verk alvar­lega og horfðu til lengri fram­tíðar í því að vera með í því að byggja upp þjón­ustu, að vera með í því að tala um það sem eru áskor­anir og hvernig við getum snúið bökum saman í að bæta þjón­ustu.“

Vilja að hlustað sé á lækna

Að lokum sagði Svandís að hún vildi skilja það eftir að það fælist ábyrgð í því hvernig er talað. „Ábyrgð Lækna­ráðs er líka mikil þegar kemur að því að vera leið­togar í því að þróa heil­brigð­is­þjón­ust­una inn í fram­tíð­ina. Og ég vil biðla til Lækna­ráðs að leggja fleiri lóð á þær voga­skálar og færri á þær að tala spít­al­ann niður eins og oft er gert. Þetta varð ég að segja.“

„Það væri eig­in­lega brot á lækna­eiðnum sem ég sór þegar ég varð læknir að ekki benda á það ástand sem blasir við“

Ragnar kom þá í pontu aftur. „Það væri eig­in­lega brot á lækna­eiðnum sem ég sór þegar ég varð læknir að ekki benda á það ástand sem blasir við,“ sagði hann. „Nú var ég á vakt­inni um helg­ina, Svandís, og það var 31 inn­lagður sjúk­lingur á bráða­mót­töku og það var yfir­lagt á allar deildir. Ég væri ekki að veita neina almenni­lega þjón­ustu ef ég mundi ekki benda fyrst á að ástandið sé svona. Ég get ekk­ert gert af því að það sé svekkj­andi að heyra að ástandið sé slæmt, en það er þannig. Varðandi það að þú viljir eiga hauka í horni, þá eru starf­andi um 400 læknar á Land­spít­al­anum og þú þarft bara að kalla á okkur ef þú vilt heyra okkur veita gott ráð. En það væri líka gott ef að ein­staka sinnum væri á okkur hlustað.“