Hreinn Loftsson hættur sem aðstoðarmaður Jóns Gunnarssonar eftir tvær vikur í starfi

Hreinn Loftsson, sem var ráð­inn aðstoð­ar­maður Jóns Gunn­ars­sonar dóms­mála­ráð­herra um síð­ustu mán­aða­mót, hefur kom­ist að þeirri nið­ur­stöðu að hann hafi verið of fljótur á sér að þiggja boð Jóns, og hefur nú afráðið að láta af störfum.

Frá þessu greinir hann í stöðu­upp­færslu á Facebook. Þar segir: „​Þegar ég tók við starfi sem aðstoð­ar­maður Áslaugar Örnu Sig­ur­björns­dóttur, dóms­mála­ráð­herra, fyrir rétt rúmum tveimur árum lét ég þau orð falla að ég liti á það sem mik­inn heiður og fag­lega áskorun að taka að mér þetta verk­efni. Árin hafa svo sann­ar­lega verið við­burða­rík. Málefni ráðu­neyt­is­ins eru fjöl­mörg og spenn­andi. Ég tók því boði Jóns Gunn­ars­sonar þegar hann bauð mér að halda áfram störfum við ráð­herra­skiptin í byrjun mán­að­ar­ins. Fljót­lega komst ég þó að raun um að ég hafði verið of fljótur á mér og hef nú afráðið að láta af störfum.“

[adspot]Daginn eftir að til­kynnt var um ráðn­ingu Hreins sem aðstoð­ar­manns Jóns var greint frá því að Brynjar Níelsson, fyrr­ver­andi þing­maður Sjálf­stæð­is­flokks, hafi verið ráð­inn í hitt astoð­ar­manna­starfið. Ráðn­ing­arnar sættu gagn­rýnni fyrir það að þrír karlar á sjö­tugs­aldri ættu að móta til að mynda mála­flokk kyn­ferð­is­brota­mála, en Brynjar hafði sömu­leiðis látið fjöl­mörg ummæli falla á und­an­förnum árum sem fóru illa í marga sem láta sér þann mála­flokk varða.

Hreinn lauk laga­­námi við Háskóla Íslands árið 1983 og öðl­að­ist rétt­indi til mál­­flutn­ings fyrir Hæsta­rétti árið 1993. Hann á að baki fjöl­breyttan feril í lög­­­mennsku, atvinn­u­lífi, stjórn­­­sýslu og sem aðstoð­­ar­­maður ráð­herra í nokkrum ráðu­­neytum frá árinu 1985 til 1992. Hann var meðal ann­ars aðstoð­ar­maður Dav­íðs Odds­sonar þáver­andi for­sæt­is­ráð­herra og var for­maður fram­kvæmda­nefndar um einka­væð­ingu um nokk­urt skeið í kringum síð­ustu alda­mót. Hreinn gegndi einnig stjórn­ar­for­mennsku í fjár­fest­ing­ar­fé­lag­inu Baugi um tíma og sat líka sem óbreyttur stjórn­ar­maður þar , en það fór í þrot eftir banka­hrun­ið.

Í nóv­em­ber 2008 keypti Hreinn útgáfu­fé­lagið Birt­ing, sem átti á þeim tíma DV. Hann seldi sig síðar út úr útgáfu­starf­sem­inn­i.