Pillunotkun ungmenna: rauða pillan

Í mynd­inni Fylki (e. Matrix) fer lífið fram í sýnd­ar­veru­leika sem er stjórn­aður af vélum. Til þess að brjót­ast úr sýnd­ar­heim­inum og berj­ast gegn skugga­meist­ur­unum þarf að taka rauða pillu, en ef þú vilt lifa áhyggju­laus án vit­neskju um sann­leik­ann getur þú tekið bláa pillu. Þessi mynd­lík­ing er horn­steinn í hugs­un­ar­hætti ungra hægri öfga­manna og útskýrir að hluta til hvers vegna það er svo erfitt að ná til þeirra.

Sú gjá sem mynd­ast milli hægri öfga­manna og ann­arra sam­fé­lags­hópa stafar af mis­mun­andi túlk­unum á aðstæðum nútím­ans og þróun sam­fé­lags­ins. Þær umræður og breyt­ing­ar­kröfur sem við sjáum í dag geta leitt til þess að fólk taki aukna sam­fé­lags­lega ábyrgð og hagi sér betur en fyrri kyn­slóðir, eða að fólk afneiti raun­veru­leik­anum og skríður í holu/kjall­ara þar sem það skapar sinn eigin, ein­fald­ari raun­veru­leika. Þetta er við­bragð þeirra sem fá í mag­ann við að melta þeim mýmörgu breyt­ingum sem við sjáum ár frá ári.

Þetta gera margir með því að fest­ast í tölvu­leikjum, hlusta frekar á Joe Rogan en RÚV (eða Kjarnann!), nenna ekki á vinnu­markað eða í nám og eyða löngum stundum í að tala við skoð­ana­bræður sína um kvenna­bar­áttu, stjórn­mála­væð­ingu kvik­mynda og fleiri merki­leg mál­efni.

[adspot]Því rétt eins og gam­alt fólk heldur að það „megi ekki neitt“ vegna þess að ein­hver sagði það í pott­inum eru hug­myndir hægri-öfga­manna byggðar á skakkri heims­mynd. Þetta teng­ist oft í byrjun andúð á femín­isma eða inn­flytj­endum, Internet algórit­minn tekur svo við og áður en þú veist af er dreng­ur­inn byrj­aður að tala um hrun Róm­ar­veldis og skipu­lagða útrým­ingu á hinum hvíta kyn­stofni. Rauða pillan er kom­inn lengst í kokið á karl­inum og hann sem sér og skilur sam­fé­lagið svo vel tekur engan þátt í því og fer varla úr húsi, nema ef til vill í spássit­úra til þess að dreifa Norð­ur­vígis-áróðri.

Við erum ennþá að vinna okkur úr tímum þar sem hug­myndir sner­ust um að rífa niður og byggja nýtt, hvort sem það var nýfrjáls­hyggjan, komm­ún­ismi eða bíla­væð­ing höf­uð­borg­ar­svæð­is­ins. Á meðan þetta hefur ekki mikil áhrif á með­al­mann­eskj­una sem fer reglu­lega til Tene og er með kok­teilsósu á standby í ísskápnum, þá geta sumir tekið ógur­lega nærri sér að sjá heim­inn eins og við þekkjum hann riða reglu­lega til falls, hvort sem það er vegna lofts­lags­breyt­inga, fjár­málakreppa, heims­far­aldra, hung­ursneyða, minnk­andi áherslu á dönsku­kennslu í skólum eða ein­hvers ann­ars.

Ef það eina sem þú gerir í því ástandi er að vinna inn­an­tómt, ómerki­legt starf, er þá ekki góð hug­mynd að halda að heim­ur­inn sé rek­inn af leyni­hópi sem hatar menn eins og þig og að allir sem eru ósam­mála þér séu vél­menni?

Höfundur er nemi.