Þessi grein birtist upphaflega í Stundinni fyrir meira en 5 árum.

„Nauðgarinn ert þú“

Hóp­ur kvenna flutti ís­lenska út­gáfu af sí­leska gjörn­ingn­um „Nauðg­ari á þinni leið“ við stjórn­ar­ráð­ið til að mót­mæla nauðg­un­ar­menn­ingu og með­virkni stjórn­valda með gerend­um.

Mótmælt við stjórnarráðið Hópur kvenna flutti síleskan mótmælasöng í íslenkum búningi við stjórnarráðið í gær.

Hópur kvenna mótmælti aðgerðaleysi þegar kemur að ofbeldi gagnvart konum með gjörningi við stjórnarráðið síðdegis í gær. Gjörningurinn er íslensk útgáfa af síleska gjörningnum „El violador en tú camino“ eða „Nauðgari á þinni leið“, sem var frumfluttur við þjóðarleikvanginn í Santíagó í nóvember.

Síleskar konur vildu með gjörningnum mótmæla nauðgunarmenningu, en þar í landi enda aðeins 8 prósent nauðgunarmála með sakfellingu. Myndband af flutningi þeirra vakti mikla athygli á netinu og voru í kjölfarið haldnir viðburðir í Kólumbíu, Mexíkó, Frakklandi, Spáni, Bretlandi og Tyrklandi.

„Þær okkar sem höfum á einhverjum tímapunkti upplifað hættu eða ofbeldi af þeirri einföldu ástæðu að við verum konur, skiljum hvert einasta orð í laginu og við erum margar,“ segir Katrín Harðardóttir, einn skipuleggjenda gjörningsins.

Mótmælt við stjórnarráðiðGjörningurinn fór fram í kjölfar þess að grunuðum kynferðisafbrotamanni var sleppt úr gæsluvarðhaldi.

Íslensku konurnar dönsuðu og fluttu íslenska útgáfu af textanum þar sem beint er sjónum að feðraveldinu og ríkisvaldinu. Í textanum segir meðal annars: „Og sökin var ekki mín, hvar sem ég var eða í hverju sem ég var: nauðgarinn ert þú“.

„Þessi fullyrðing sílesku kvennanna sem skrifuðu femíníska „sálminn“ hefur vakið hrifningu og lof margra, en einnig valdið gagnrýni annarra,“ segir Katrín. „Þú-ið sem vísað er í er nauðgarinn, en það nær einnig yfir þann fjölda fólks sem þykist ekki taka eftir kynferðisáreitni eða lætur jafnvel glæpamenn ganga lausa, eins og nú um jólin hér í Reykjavíkinni. Þess vegna er minnst á lögreglu, dómara, ríki og ráðherra, þau sem gætu tekið til róttækra aðgerða til þess að koma í veg fyrir nauðganir, morð og kynferðisáreitni, en gera það ekki. Og þess vegna bendum við beint á héraðsdóm, enda gaf hann okkur ærna ástæðu til í hádeginu.“

Gjörningurinn fluttur í MexíkóborgFramganga kvennanna í Síle hefur vakið athygli og gjörningurinn verið fluttur um allan heim.

Íslenskur texti lagsins „Nauðgari á þinni leið“

Feðraveldið fellir dóm,

gegn konum fyrir fæðingu.

Refsingin er kúgun

sýnileg og dulin,

í dómsorði hulin.

Feðraveldið fellir dóm,   

gegn konum fyrir fæðingu.

Refsingin er kúgun

sýnileg og dulin,

í dómsorði hulin.

Kvennamorð og ofbeldi,

Nauðganir og mansal 

og kynferðisáreitni.

Málin niður falla 

Fyrir ofbeldiskalla.

Sökin er ekki mín, hvar sem ég var eða í hverju sem ég var.

Sökin er ekki mín, hvar sem ég var eða í hverju sem ég var.

Því gerandinn ert þú,

já, nauðgarinn ert þú.

Það eru löggur,

dómarar

sýslumenn

og ráðherrar!

Það er kúgandi ríki

í karlrembu líki.

Það er kúgandi ríki

Í karlrembu líki.

Því gerandinn ert þú

já, nauðgarinn ert þú.

Sofðu unga ástin mín og örvæntu ekki

við mæður, systur og dætur.

Stöndum sterkar á fætur,

tökum siðleysi gröf.

Nýtum okkar lög

og kærum ríkisvaldið,

því nauðgarinn ert þú

já gerandinn ert þú.

Gerandinn ert þú.

Gerandinn ert þú.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Indriði Þorláksson
1
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.
Segja svör Íslands hvorki viðunandi né í samræmi við raunveruleikann
4
Fréttir

Segja svör Ís­lands hvorki við­un­andi né í sam­ræmi við raun­veru­leik­ann

Hvít­þvott­ur, inni­halds­leysi og óvið­un­andi svör sem eru ekki í tengsl­um við raun­veru­leik­ann eru með­al þeirra orða sem Geð­hjálp not­uðu til að lýsa svör­um Ís­lands um geð­heil­brigð­is­mál í sam­ráðs­gátt. Inn­an stjórn­kerf­is­ins er unn­ið að drög­um að mið­ann­ar­skýrslu Ís­lands vegna alls­herj­ar­út­tekt­ar Sam­ein­uðu þjóð­anna á stöðu mann­rétt­inda­mála.

Mest lesið

Mest lesið í vikunni

Indriði Þorláksson
5
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
2
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.

Mest lesið í mánuðinum

Nýtt efni

Mest lesið undanfarið ár