Sumarið í Himalaya

Þetta eru sann­ar­lega skrítnir tímar, um það er ekki deilt. Mörgum er sagt upp og við bíðum helst eftir því að það sjá­ist loks­ins í Himalaya-fjöllin eða eftir því að höfr­ungar birt­ist á ólík­legum stöðum. Í þess­ari und­ar­legu hring­iðu eru hópar sem virð­ast gleym­ast.

Helm­ingur þeirra stúd­enta Háskóla Íslands sem áður voru í hluta­störfum hefur annað hvort verið sagt upp að þeir lækk­aðir í starfs­hlut­falli. Samt hafa aðeins 2% stúd­enta getað nýtt sér hluta­bætur stjórn­valda. Líklega er það vegna þess að það úrræði hentar helst fólki í fullu starfi. Á sama tíma hafa atvinnu­rek­endur ólík­lega lagt áherslu á úrræðið fyrir hluta­starfs­fólk.

Af launum stúd­enta er greitt trygg­ing­ar­gjald eins og af öðrum launum en engu að síður eiga þeir ekki rétt á atvinnu­leys­is­bótum. Þeir eiga bara að taka náms­lán ef þeir eru ekki nú þegar búnir að klára frí­tekju­markið. Eiga stúd­entar að vera eini hópur sam­fé­lags­ins sem stendur ekk­ert annað til boða en að skuld­setja sig út úr vand­anum?

[adspot]Nú fer í hönd tími loka­prófa og skila á loka­verk­efnum. Á sama tíma telja 12% stúd­enta sig ekki geta mætt útgjöldum sínum um næstu mán­aða­mót og 32% segja að það muni reyn­ast erfitt að ná endum saman. Það vega­nesti reyn­ist lík­lega fáum væn­legt til árang­urs. Í ofaná­lag eru rúm­lega 40% stúd­enta ekki komnir með vinnu fyrir sum­arið. Þó svo að helm­ingur þeirra fengju vinnu fyrir sum­arið væri atvinnu­leysi stúd­enta samt 20%.

Stúd­entar hafa lagt fram skýrar kröfur og til­lögur til lausna á vand­anum:

1. Stúd­entar sem voru í hluta­starfi eiga að geta sótt sér atvinnu­leys­is­bætur til 1. júní.
2. Stúd­entar eiga að geta sótt um atvinnu­leys­is­bætur í sumar.
3. Leita þarf allra leiða til þess að sem fæstir þurfi að nýta sér úrræði 2). Um þær leiðir má lesa í kröfum Stúd­enta­ráðs.

Stúd­entar eru allir af vilja gerðir til finna lausnir fyrir sum­arið en stjórn­völd verða að koma með raun­hæfar til­lögur en ekki bíða eftir Himalaya-draumum.

Höfundur er vara­for­seti Stúd­enta­ráðs Háskóla Íslands.

*Byggt á könnun Stúd­enta­ráðs Háskóla Íslands (6.-10. apríl) meðal stúd­enta skól­ans.