Norwegian aflýsir 85 prósent allra fluga og segir mögulega upp þúsundum

Norska lág­far­gjald­ar­flug­fé­lagið Norwegian hefur aflýst 85 pró­sent allra fyr­ir­hug­aðra flug­ferða sinna og störf 7.300 starfs­manna fyr­ir­tæk­is­ins eru í hættu. Þetta kom fram í til­kynn­ingu frá Jacob Schram, for­stjóra Norwegian, sem hann sendi frá sér í dag. Dagens Nær­ingsliv greinir frá.

Schram sagði í til­kynn­ing­unni að um tíma­bundnar aðgerðir væri að ræða og þegar að heim­ur­inn yrði aftur eðli­legur þá væri það stefna hans að ráða starfs­menn­ina sem nú missa vinn­una aftur. Hann sagði enn fremur að það væri afar jákvætt að norsk stjórn­völd hefðu til­kynnt að þau ætl­uðu að gera allt sem til þyrfti til að styðja við norskan flug­iðnað svo að mik­il­vægir inn­virðir héld­ust og tug þús­undir starfa myndu ekki tap­ast.

Í gær var greint frá því að tíu þús­und starfs­menn flug­fé­lags­ins SAS yrðu sendir í ótíma­bundið leyfi. Rickard Gustaf­son, for­stjóri fyr­ir­tæk­is­ins, sagði á blaða­manna­fundi í gær að eft­ir­spurn eft­ir flugi hef­ði meira og minna þurrk­ast út vegna kór­ónu­veirunn­ar. Um er að ræða 90 pró­sent starfs­manna fyr­ir­tæk­is­ins.

[adspot]Erna Sol­berg for­sæt­is­ráð­herra Nor­egs og Jan Tore Sann­er, fjár­mála­ráð­herra lands­ins, kynntu í gær­kvöldi björg­un­ar­pakka upp á að minnsta kosti 100 millj­arða norskra króna, sem eru um 1.340 millj­arðar íslenskra króna, sem not­aður verður til að styðja við norsk fyr­ir­tæki vegna áhrifa sem þau verða fyrir vegna útbreiðslu veirunnar sem veldur COVID-19 sjúk­dómn­um.

Áætl­unin sem norska rík­is­stjórnin kynnti var tví­þætt. Ann­ars vegar verða fjár­mun­irnir not­aðir til að kaupa skulda­bréf af stærri fyr­ir­tækjum, eins og flug­fé­lögum, upp að sam­tals 50 millj­örðum norskra króna. Það mun styrkja lausa­fjár­stöðu þeirra og getu til að kom­ast í gegnum fyr­ir­liggj­andi skafl.

Hin leiðin snýst um að norska ríkið ætlar að veita ábyrgðir fyrir lánum í bönkum fyrir lítil og milli­stór fyr­ir­tæki svo þau geti fengið fyr­ir­greiðslu til að kom­ast í gegnum það ástand sem nú er uppi. Með þessu ættu fyr­ir­tækin að geta tryggt sér laust fé til að lifa af.

Þessi leið nær til þeirra fyr­ir­tækja sem bankar meta sem svo að séu arð­bær til lengri tíma lít­ið, en að gætu jafn­vel lent i gjald­þroti að óbreyttu vegna þeirra áhrifa sem útbreiðsla kór­ónu­veirunnar og aðgerðir ríkja heims vegna hennar eru að hafa á allt efna­hags­kerf­ið.