Íslandspóstur tapaði rúmum hálfum milljarði í fyrra

Íslands­póstur tap­aði 510 millj­ónum króna í fyrra þrátt fyrir miklar breyt­ingar sem gerðar voru á rekstr­inum. Tapið er umtals­vert meira en var á árinu 2018, þegar það var 292 millj­ónir króna. Í til­kynn­ingu frá fyr­ir­tæk­inu, sem er að öllu leyti í eigu íslenska rík­is­ins, kemur fram að tapið megi að stórum hluta skýra með kostn­aði við end­ur­skipu­lagn­ingu Íslands­pósts sem færður hafi verið til bókar í fyrra. Sá hluti er 225,1 milljón króna.

Rekstr­ar­tekjur Íslands­póst voru 7.745 millj­ónir króna sem eru 11 millj­ónum krónum lægri tekjur en árið áður. EBITDA-hagn­aður Íslands­pósts, sem er hagn­aður fyrir fjár­magnsliði, afskriftir og skatta, var 265,6 millj­ónir króna en hafði verið 50,4 millj­ónir króna árið 2018. Því jókst rekstr­ar­hagn­að­ur­inn umtals­vert. Ef hann er skoð­aður án ein­skiptis­kostn­aðar vegna end­ur­skipu­lagn­ingar á Íslands­pósti var EBITDA-hagn­að­ur­inn 491 milljón króna.

[adspot]Í end­ur­skipu­lagn­ing­unni fólust miklar breyt­ingar á starf­sem­inni. Meðal ann­ars var Birgir Jónsson ráð­inn for­stjóri og undir hans stjórn hefur stöðu­gildum innan Íslands­pósts fækkað mikið. Á síð­asta ári fækk­aði þeim um 14 pró­sent. Þau voru 721 í lok árs 2019. Upp­sagnir hafa haldið áfram á þessu ári en í jan­úar var greind frá því að 30 starfs­mönnum til við­bótar hefði verið sagt upp. Þá hefur stjórn­endum fækkað um 30 pró­sent og aðal­skrif­stofur fyr­ir­tæk­is­ins voru fluttar í minna og ódýr­ara hús­næði. Flestöll dótt­ur­fyr­ir­tæki fyr­ir­tæk­is­ins voru auk þess seld á síð­asta ári.

Í jan­úar var greint frá því að Íslands­póstur ætli að hætta dreif­ingu á ónafna­merktum fjöl­pósti á höf­uð­borg­ar­svæð­inu, Reykja­nesi, Sel­fossi og Akra­nesi frá og með 1. maí næst­kom­andi. Póst­ur­inn mun halda áfram bjóða upp á dreif­ingu á fjöl­pósti á öðrum svæðum og í dreif­býli. Þessi breyt­ing leiðir til um 200 millj­óna króna lækk­unar kostn­aðar á árs­grund­velli hjá fyr­ir­tæk­inu.

Vaxta­ber­andi skuldir voru Íslands­póst voru 1.953 millj­ónir króna um síð­ustu ára­mót og höfðu lækkað úr 2.761 milljón króna ári áður. Handbært fé frá rekstri var 562,2 millj­ónir króna. Í til­kynn­ing­unni frá fyr­ir­tæk­inu kemur fram að bréfum í einka­rétti hafi fækkað um rúm 15 pró­sent milli ára en að níu pró­sent aukn­ing hafi verið í pakka­send­ingum frá útlöndum.