Á fundi norrænu utanríkisráðherranna sem fram fór í dag var ákveðið að fela Birni Bjarnasyni, fyrrverandi dómsmálaráðherra og menntamálaráðherra, að skrifa nýja skýrslu um eflingu norræns samstarfs í utanríkis- og öryggismálum. Við sama tilefni skrifaði Guðlaugur Þór Þórðarson utanríkisráðherra undir samkomulag við Noreg annars vegar og við Danmörku og Færeyjar hins vegar um afmörkun landgrunns á Ægisdjúpi og sat fund norrænu þróunarmálaráðherranna.
Þetta kemur fram í frétt á vef stjórnarráðsins.
Í skýrslunni sem Björn hefur valist til að skrifa verða gerðar tillögur um hvernig megi þróa samstarf Norðurlandanna enn frekar. Auk þess ræddu utanríkisráðherrarnir stöðuna í Sýrlandi og samskiptin við Rússland auk loftslagsmála og útgöngu Bretlands úr Evrópusambandinu.
[adspot]Guðlaugur Þór segir að það sé sér mikil ánægja að náðst hafi samstaða um frekari eflingu norræns samstarfs á alþjóðavettvangi og ekki síður að Björn Bjarnason skyldi veljast til verksins. „Fáir eru eins vel í stakk búnir til að móta framtíðarsýn í þessum málum. Efling samstarfsins var forgangsmál í formennsku Íslands í samstarfi norrænu utanríkisráðherranna og mikilvægt að náðst hafi sterk samstaða um þessa tillögu Íslands.“
Fyrsti áfanginn í þessari vinnu var stöðuskýrsla sem forstöðumenn norrænu alþjóðastofnananna unnu og afhentu fyrr á þessu ári um framkvæmd tillagna úr skýrslu Thorvald Stoltenberg frá 2009.
Stutt er síðan að Björn leiddi starfshóp á vegum utanríkisráðuneytisins sem skilaði af sér skýrslu um EES-samninginn. Sú skýrsla var birt 1. október síðastliðinn. Auk Björns skipuðu þær Kristrún Heimisdóttir og Bergþóra Halldórsdóttir starfshópinn. Hægt er að lesa helstu niðurstöður hennar hér.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir