Icelandair hefur slitið áralöngu samstarfi sínu við Íslensku auglýsingastofuna, sem hefur séð um auglýsingar félagsins í rúma þrjá áratugi. Viðskipti Icelandair við stofuna voru vel á annað hundrað milljónir króna á ári. Frá þessu er greint á ferðaþjónustufréttavefnum Túrista.is.
Þar er haft eftir Ásdísi Ýri Pétursdóttur, upplýsingafulltrúa Icelandair, að félagið hafi ákveðið að söðla um. Eftir að hafa leitað tilboða og hugmynda hjá fleiri auglýsingastofum hafi verið ákveðið að semja við Hvíta húsið. Gísli S. Brynjólfsson, sem var ráðinn markaðsstjóri Icelandair í vor, var áður framkvæmdastjóri Hvíta hússins og einn eigenda stofunnar. Hann þekkir því vel til þar innandyra.
[adspot]Þetta er annar stóri auglýsandinn sem hreyfir sig á íslenskum auglýsingamarkaði á skömmum tíma. Íslandsbanki ákvað seint í ágúst að hætta föstu samstarfi um auglýsingar við ákveðnar auglýsingastofur, en bankinn hafði áður verið stór viðskiptavinur hjá Brandenburg.
Greint var frá því í gær að fjórum starfsmönnum hefði verið sagt upp hjá Brandenburg í síðustu viku vegna samdráttar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
markaðsmál
Fullorðna fólkið kann að telja og ætti ekki að þurfa jóladagatal
Guðmundur Halldór Björnsson
Samruni eða fjandsamleg yfirtaka – Hvað á sameinað félag að heita?
Guðmundur Halldór Björnsson
Reynsla af markaðsmálum í stjórnum fyrirtækja hefur áhrif á arðsemi hluthafa
Athugasemdir