Útflutningsverðmæti sjávarafurða var 239,8 milljarðar króna árið 2018 sem er 17,8 prósentum meira en árið áður. Í tonnum talið var einnig aukning þar sem flutt voru út rúmlega 670 þúsund tonn af sjávarafurðum sem er 61 þúsund tonni meira en árið áður. Þetta kemur fram í tilkynningu Hagstofunnar.
Af útflutningsverðmætinu voru 42,7 prósent frystar sjávarafurðir, mjöl og lýsi 27 prósent og ísaðar afurðir 13,8 prósent. Af einstökum tegundum var verðmæti ísaðra þorskafurða mest, það er 39,4 milljarðar króna. Frystur þorskur kemur þar á eftir að verðmæti 35,3 milljarðar króna.
Mest flutt út til Bretlands
Af þeim löndum sem mest útflutningsverðmæti fengust fyrir stendur Bretland hæst í 15,3 prósentum af heildarútflutningsverðmæti og kemur Frakkland þar á eftir í 11,3 prósentum. Spánn, Noregur og Bandaríkin koma þar á eftir með undir 10 prósentum hvert sem er svipað hlutfall og árið 2017, að því er segir í tilkynningunni.
[adspot]Í tilkynningunni kemur fram að verðmæti útflutningsframleiðslu sjávarafurða, sem er samtala útflutnings og birgðabreytinga sjávarafurða, hafi verið tæplega 240 milljarðar árið 2018 sem er 22 prósenta aukning frá fyrra ári. Sé miðað við fast verðlag árið 2017 jókst útflutningsverðmætið um 24 prósent.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir