Ásmundur Einar Daðason, félags- og barnamálaráðherra, lengja fæðingarorlof í tveim skrefum þannig að það nemi 12 mánuðum árið 2021. Þetta kemur fram í tilkynningu á vef Stjórnarráðsins fyrr í dag.
Samkvæmt tilkynningunni kynnti Ásmundur Einar áform sín um að setja af stað vinnu við heildarendurskoðun laga um fæðingar- og foreldraorlof á ríkisstjórnarfundi fyrir helgi, en samhliða því er stefnt að lengingu orlofsins. Gert er ráð fyrir að lengingin komi til framkvæmda í tveimur áföngum á árunum 2020 og 2021, en áformin eru í samræmi við áherslur sem koma fram í stjórnarsáttmála ríkisstjórnarinnar og fjármálaáætlun sem kynnt var í dag.
Fyrra skref aðgerðina kveður á um að samanlagður réttur foreldra barna sem fæðast á árinu 2020 nemi 10 mánuðum. Í seinna skrefinu er svo rétturinn lengdur í tólf mánuði, en hann á við um foreldra allra barna sem fæðast þann 1. Janúar 2021 eða síðar. Sami réttur gildir um börn sem verða ættleid eða tekin í varanlegt fóstur.
„Það er mjög ánægjulegt að nú sé lenging fæðingarorlofsins loksins framundan og vel við hæfi að á 20 ára afmælisári laganna fari fram heildarendurskoðun þeirra,“ segir Ásmundur Einar í tilkynningu ríkisstjórnarinnar. Einnig bætir ráðherra við að samtal við sveitarfélögin þurfi að eiga sér stað til að brúa bilið milli fæðingarorlofs og dagvistunar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir