Jóhannes Þór stofnar ráðgjafafyrirtæki

Jóhannes Þór Skúlason, sem var aðstoð­ar­maður Sig­mundar Davíðs Gunn­laugs­sonar um ára­bil, hefur stofnað ráð­gjafa­fyr­ir­tækið Orðspor ásamt fleira fólk. Í stöðu­upp­færslu á Facebook segir Jóhannes Þór að fyr­ir­tækið muni veita „

ráð um ýmsa hluti, t.d. almanna­tengsl, fjöl­miðla­sam­skipti, við­burða­stjórn og fleira.“

Jóhannes Þór tók þátt í starfi InDefence hóps­ins svo­kall­aða, sem barð­ist gegn Icesave-samn­ing­unum, frá banka­hruni og fram í febr­úar 2011. Þá tók hann við starfi aðstoð­ar­manns þáver­andi for­manns Fram­sókn­ar­flokks­ins, Sig­mundar Davíðs Gunn­laugs­sonar, sem þá var í stjórn­ar­and­stöðu. Eftir að Sig­mundur Davíð varð for­sæt­is­ráð­herra eftir kosn­ing­arnar 2013 varð Jóhannes Þór aðstoð­ar­maður hans í for­sæt­is­ráðu­neytið og helsti ræðu­höf­undur. Því starfi gegndi Jóhannes Þór þar til að Sig­mundur Davíð sagði af sér emb­ætti í apríl 2016 vegna Wintris-máls­ins.

Jóhannes Þór hefur tekið undir á skoðun Sig­mundar Davíðs að hann hafi verið leiddur í gildru af óheið­ar­legum fjöl­miðla­mönnum í því máli. Í ágúst 2016 skrif­aði hann um sam­skipti sín við Jóhannes Kr. Krist­jáns­son og sænska rík­is­út­varpið SVT á heima­síðu sína og sagði að hann hefði „aldrei, aldrei, kynnst við­líka óheið­ar­leika, virð­ing­ar­leysi og lygum af hálfu fjöl­miðla­manna gagn­vart við­mæl­endum eða starfs­fólki eins og SVT og Jóhannes Krist­jáns­son sýndu af sér í þessu til­felli. Satt að segja á ég erfitt með að finna annað eins dæmi í lífi mínu almennt um fólk sem hefur sýnt af sér hegðun sem kemst í hálf­kvisti við þetta.“

Jóhannes Þór starf­aði áfram sem aðstoð­ar­maður for­manns Fram­sókn­ar­flokks­ins þar til að Sig­mundur Davíð tap­aði for­manns­kosn­ingu í flokknum í byrjun októ­ber 2016.