Verðfall í íslensku kauphöllinni

Gengi hluta­bréfa nær allra skráðra félaga í Kauphöll Íslands lækk­k­uðu við opnun mark­aðar í dag. Mest hafa bréf Össurar lækkað, eða um rúm­lega sex pró­sent, í þó litlum við­skiptum sem sam­tals nema um ell­efu millj­ónum króna. Gengi bréfa í Marel hefur lækkað um nær þrjú pró­sent í sam­tals 140 millj­óna króna við­skiptum og hluta­bréf í Icelandair Group hafa lækkað um tvö pró­sent í um þrjú hund­ruð millj­óna við­skiptum. Um klukku­stund er liðin frá upp­hafi við­skipta.

Lækkanir í dag koma í kjöl­far nokk­urra hækk­ana á hluta­bréfum síð­ustu vikur. Í í byrjun ágúst var úrvals­vísi­tala Kaup­hall­ar­innar, OMXI8, rúm 1530 stig og reis hæst í ríf­lega 1600 stig í síð­ustu viku. Hún hefur nú gefið nokkuð eftir og nemur lækkun það sem af er degi um 1,7 pró­senti.

Eins og Kjarninn greindi frá þá falla hluta­bréf í verði víðar í heim­inum. Í Kína lækk­aði verð hluta­bréfa í rúm átta pró­sent í dag og hafa ekki lækkað meira síðan 2007. Óvissa í Asíu hefur smit­ast inn á mark­aði í Evrópu. Þar hafa helstu vísi­tölur í London, París og Frank­furt lækkað um þrjú pró­sent það sem af er degi. Í Banda­ríkj­unum hafa hluta­bréf einnig gefið eftir und­an­farna daga og grein­endur spyrja hvort mestu hækk­un­ar­hr­inu sög­unnar sé lokið.