Hlutabréf í Asíu hríðféllu við opnun markaða í dag, í framhaldi af mikilli lækkun í síðustu viku, einkum á föstudag. Kínverska SCI (Shanghai Composite Index) vísitalan féll um sjö prósent strax við opnun, og samkvæmt umfjöllun Quartz, óttast fjárfestar gang mála í Kína. Í Umfjölluninni segir að neikvæðar hagtölur upp á síðkastið, hafi vakið upp spurningar um hversu slæm staða kínverska hagkerfisins sé í reynd. Svo virðist sem enginn viti það með vissu, segir í umfjölluninni.
Kínversk stjórnvöld hafa ítrekað gripið inn í hlutabréfamarkaðinn á undanförnum misserum, meðal annars með beinum skipunum til fyrirtækja sem eru skráð á markaði, að kaupa eigin bréf. Þá hefur sala á bréfum hjá stærstu hluthöfum enn fremur verið bönnuð tímabundið, í nokkur skipti, þegar fallið á bréfum hefur verið sem hraðast.
Svo virðist sem þessar aðgerðir séu ekki að hafa mikil áhrif, því um leið og viðskipti hafa verið gefin frjáls á ný, þá hefur verðið fallið hratt.
And the sell-off continues: Asia's stocks are suffering major losses today http://t.co/Hqnos95l3H By @CRrileyCNN pic.twitter.com/Gr5MaxFoiT
— CNNMoney (@CNNMoney) August 24, 2015
Eins og fram kom í fréttaskýringu um stöðu mála, á vef Kjarnans, á dögunum þá bendir margt til þess að verulega sé farið að halla undan fæti í Kína, eftir fordæmalaust hagvaxtarskeið í 20 ár. Eftirspurn í landinu hefur dregist saman, og fasteignaverð hefur fallið um 3,9 prósent á einu ári. Í ljósi stærðar hagkerfisins, og þýðingu þess fyrir heimsbúskapinn, þá vegur hvert prósentustig í helstu hagtölum mjög þungt. Niðursveifla í Kína getur haft afdrifaríkar afleiðingar víða um heim, ekki síst fyrir ríki sem stunda mikil viðskipti við Kína, einkum með vöruútflutningi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir