„Þetta kom okkur gjör­sam­lega í opna skjöldu. Við höfum ekk­ert unnið okkur til saka. Ég held að það sé bara felu­leikur að tala um skipu­lags­breyt­ingar,“ segir Einar Ásbjörn Ólafsson, fyrr­ver­andi yfir­maður flug­valla­gæslu við Kefla­vík­ur­flug­völl, í sam­tali við Stundina. Hann var ásamt umsjón­ar­manni aðgangs­mál, sem baðst undan að koma fram undir nafni í sam­tali við Stundina, og Valgeiri Ásgeirs­syni, verk­efna­stjóra við örygg­is­deild, rek­inn á fundi síð­ast­lið­inn þriðju­dag. Uppsögn þeirra þriggja leggst illa í starfs­menn örygg­is­deildar flug­vall­ar­ins og hefur Ásmundur Frið­riks­son, þing­maður Sjálf­stæð­is­flokks­ins, gagn­rýnt yfir­stjórn Isavia harð­lega.

Ólag og reiði meðal starfs­manna Isavia vegna yfir­stjórn­enda og starfs­manna­stefnu stofn­un­ar­innar hefur staðið nú yfir um nokk­urt skeið. Fjölmörg dæmi eru um það og er skemmst að minn­ast könn­unar sem gerð var í fyrra þar sem kom fram að aðeins um 40% starfs­manna voru ánægðir í starfi. Valgeir Ásgeirs­son segir í sam­tali við Stundina að ítrekað hafi verið ætl­ast til af yfir­mönnum Isavia að starfs­menn …