Í far­s­anum sem for­val for­seta­kosn­ing­anna í Banda­ríkj­unum hefur verið, þar sem Donald Trump hefur boðað úti­lokun múslima og kallað eftir því að fólk fylgist með nágrönnum sínum vegna mögu­legra hryðju­verka, hefur Hillary Clinton virst sem örugg­ari fram­bjóð­and­inn. Í sam­an­burði við Trump, sýn­ist hún frjáls­lynd­ari, heið­ar­legri og rök­fast­ari val­kost­ur­inn.

Það sem færri vita kannski, er að Hillary Clinton hefur ýmis­legt veru­lega vafa­samt á fer­ils­skrá sinni en allt frá því Bill Clinton tók við emb­ætti rík­is­stjóra Arkansas undir lok átt­unda ára­tug­ar­ins, hafa hneyksli og dul­ar­fullir atburðir átt sér stað í kringum þau hjónin, Hillary og Bill.

Hillary Clinton varð fyrst þekkt á alheims­vísu sem for­seta­frú manns­ins síns, hins sjar­mer­andi sax­ó­fón­leik­ara Bill Clintons. Hún vakti athygli fyrir að taka virk­ari þátt í stjórn­málum en for­verar hennar höfðu áður gert. Síðan hefur hún svo fest sinn eigin feril í stjórn­málum ræki­lega í sessi.

Eftir að Bill lét af emb­ætti árið 2001 var Hillary kjörin til setu í öld­unga­deild­ar­þing­inu fyrir New York-ríki til árs­ins 2009. Í for­vali Demókra­ta­flokks­ins árið 2008 sótt­ist hún eftir útnefn­ingu sem for­seta­efni flokks­ins, en laut naum­lega í lægra haldi fyrir hinum unga, og þá að mestu óþekkta, Barack Obama. Eftir að Obama sigr­aði kosn­ing­arnar gerði hann Hillary þó að inn­an­rík­is­ráð­herra, sem er gríð­ar­lega valda­mikið emb­ætti, og hefur hún gegnt því frá árinu 2009.

Nú er svo komið að Hillary Clinton á góða  mögu­leika á því að gegna valda­mesta emb­ætti heims. Ýmsar spurn­ingar hafa und­an­farið vaknað varð­andi það sem hún hefur gert á leið sinni aftur í Hvíta húsið. Verður hér farið yfir nokkur umdeild mál.

Whitewater: Vafasamt brask tengt banka

Áður en Bill tók við emb­ætti rík­is­stjóra Arkansas reyndu hjónin fyrir sér í braski með sölu og kaupum á land­ar­eignum. Í sam­starfi við önnur hjón, banka­eig­end­urna Jim og Susan McDougal, keyptu þau land­svæði sem þau hugð­ust selja undir eins konar sum­ar­hús. Fyr­ir­tækið sem sett var á fót til þess að halda utan um við­skiptin hét Whitewater. Salan á land­svæð­inu gekk illa, en Jim McDougal keypti engu að síður meira land í sama til­gangi, með aðstoð frá Clinton-hjón­unum og með lánum úr sínum eigin banka.