For­svars­menn verk­smiðj­unnar United Silicon hafna því að óheimil losun verk­smiðj­unnar, sem gerð var án vit­undar Umhverf­is­stofn­unar, hafi falið í sér losun „hættu­legra“ efna.

Verk­smiðjan er í „gjör­gæslu“ Umhverf­is­stofn­unar vegna ítrek­aðra brota á starfs­leyfi og hefur Vinnu­eft­ir­litið gert 17 athuga­semdir við aðbúnað starfs­fólks og gefið United Silicon frest til að koma öryggis- og vinnu­vernd­ar­málum sínum í lag. Umhverf­is­stofnun hefur skráð 12 frá­vik frá starfs­leyfi verk­smiðj­unnar og kvartar undan mis­vísandi og röngum upp­lýs­ingum frá for­svars­mönnum hennar.

Stundin birti í gær­kvöldi mynd­band af óheim­illi losun verk­smiðj­unnar. Að mati starfs­manna sem Stundin ræddi við var um skað­leg efni að ræða, en for­svars­menn verk­smiðj­unnar gera lítið úr áhrifum þess í yfir­lýs­ingu sinni. 

Í yfir­lýs­ingu frá verk­smiðj­unni kemur fram að unnið sé að úrbótum á þeim brotum sem mynd­böndin sýna. 

Yfirlýsing United Silicon

„United Silicon telur óhjá­kvæmi­legt að gera athuga­semdir við umfjöllun á vefnum Stundin.is í morgun. Þar er birt mynd­band frá því um miðjan des­em­ber sl. sem sagt er að sýni losun á eit­ur­efnum.  Hið rétta er að mynd­bandið sýnir atvik þegar verið var að losa stíflu í reyk­hreinsi­virki sem leiddi til að kís­il­ryk barst út um opna lúgu. Vegna þess hversu mikið ryk barst út í and­rúms­loftið var þessi vinna stöðvuð eftir skamma stund og öðrum aðferðum beitt sem ekki leiddu til ryklos­unar. Það ryk sem sést á mynd­band­inu er ekki eitrað eða hættu­legt heldur verð­mæt afurð og mik­il­væg sölu­vara United Silicon sem safnað er í reyk­hreinsi­virki, pakkað í sekki og selt meðal ann­ars til sem­entsvinnslu erlendis.

Myndband sem tekið er um kl 14:30 í gær sýnir einnig kís­il­ryk sem þyrl­að­ist upp þegar verið var að losa sam­bæri­lega stíflu, en án þess að nota blás­ara. Unnið er að úrbótum til að koma í veg fyrir að þetta ger­ist aftur.

Full­yrð­ingar Stund­ar­innar um að und­an­farið hafi „hættu­leg eit­ur­efni“ verið losuð út í and­rúms­loftið úr reyk­hreinsi­virki verk­smiðj­unnar í skjóli nætur eru til­hæfu­lausar með öllu og ekki ljóst hvaða til­gangi það þjónar að halda slíkum ósann­indum fram.

Rétt er að benda á að United Silicon er með 3 meng­un­ar­mæli­stöðvar, stað­settar sam­kvæmt ábend­ingum Umhverf­is­stofn­unar og eru mæl­ingar þeirra allar birtar á vef­síð­unni and­vari.is. Þessar mæl­ingar sýna skýrt, að frá upp­hafi fram­leiðslu í nóv­em­ber, hefur mengun aldrei farið upp fyrir lög­sett við­mið­un­ar­mörk.“

Athuga­semd rit­stjórnar: United Silicon brást þeirri skyldu sinni að til­kynna brot sitt á starfs­leyfi og er ekki unnt að stað­festa inni­hald þeirrar meng­unar sem dreifð­ist við brotið. Á með­fylgj­andi mynd­böndum má sjá aðbúnað starfs­fólks og svo brot United Silicon á starfs­leyfi. Brot félags­ins eru ítrekuð og hafa orsakað að verk­smiðjan hefur verið ávítt af eft­ir­lits­stofn­unum Aðeins er um að ræða upp­hafið að rekstri verk­smiðj­unnar, enn á eftir að ræsa þrjá af fjórum ofnum hennar. Stundin mun halda áfram að fjalla um brot United Silicon á næstu dögum og við­brögð eft­ir­lits­stofn­ana við þeim.