Þrjú íslensk börn á aldr­inum 8, 12 og 16 ára voru skilin eftir á Kastrup flug­velli í Kaup­manna­höfn í gær en starfs­fólk WOW air leyfði þeim ekki að inn­rita sig í flug sem var á leið til Íslands. Ástæðan var sú að ekki hafði verið keypt fylgd­ar­þjón­usta með yngsta barn­inu. Ekki var haft sam­band við for­eldra barn­anna vegna máls­ins og voru þau því skilin eftir fylgd­ar­laus á flug­vell­inum. „Það er ekk­ert neyð­ar­númer sem WOW air býður upp á og við náðum ekki í neinn,“ segir Hrund Ósk­ars­dóttir, stjúp­móðir barn­anna, í sam­tali við Stundina. „Við erum í algjöru sjokki yfir þessu.“

„Við erum í algjöru sjokki yfir þessu.“

Svanhvít Frið­riks­dóttir, upp­lýs­inga­full­trúi WOW air, segir flug­fé­lagið þurfa að fara eftir Evr­ópu­reglu­gerðum sem segja að börn megi ekki ferð­ast án fylgd­ar­manns. „Þau hefðu þurft að vera búin að kynna sér regl­urnar áður en þau bóka á net­inu,“ segir Svanhvít. „Þetta eru örygg­is­reglur sem við erum með og það er alls ekki hægt að breyta út frá þeim. Ef börn, eða aðrir far­þegar, mæta í inn­ritun með ófull­nægj­andi upp­lýs­ingar, í þessu til­felli án fylgdar, þá höfum við heim­ild til að neita þeim um inn­ritun. Það er það sem átti sér stað í gær.“ Hún segir ýmsar ástæður fyrir því að ekki sé hægt að víkja frá þessum reglum, til dæmis gæti verið um for­ræð­is­deilu eða man­sal að ræða.