Karl Wernersson, fjár­festir og fyrr­ver­andi aðal­eig­andi Milestone, var dæmdur í þriggja og hálfs árs fang­elsi í Hæsta­rétti Íslands í gær auk þess sem tveir aðrir dómar féllu honum í óhag í rétt­inum, meðal ann­ars fyrir að færa fé úr eign­ar­halds­fé­lag­inu Milestone í eigin vasa þegar félagið var nán­ast komið í þrot.  

„Brot þessi voru skipu­lögð og drýgð í sam­verkn­aði af óskamm­feilni“

Fyrsta málið, sem dómur féll í, er mál ákæru­valds­ins gegn honum og nokkrum öðrum aðilum, meðal ann­ars Stein­grími bróður hans og Guðmundi Ólasyni, sem var for­stjóri Milestone. Það snýst um fjár­mögnun Milestone á hluta­bréfa­kaupum af Ingunni Wernsdóttur, systur Karls, árið 2005.

Í við­skipt­unum tóku for­svars­menn Milestone ákvörðun um að láta fyr­ir­tækið kaupa hluta­bréf Ingunnar, systur Karls og Stein­gríms, í Milestone. Vegna þess voru þre­menn­ing­arnir meðal ann­arrs ákærðir fyrir umboðs­svik. Inntakið í mál­inu er að óheim­ilt og ólög­legt hafi verið fyrir for­svars­menn Milestone að láta félagið fjár­magna hluta­bréf fyrir Karl og Stein­grím per­sónu­lega.

Í  dómi Hæstaéttar er fall­ist á þann skiln­ing ákæru­valds­ins að við­skiptin hafi verið umboðs­svik eins og þar segir: „Við ákvörðun refs­ingar ákærðu Karls, Stein­gríms og Guð­mundar er til þess að líta að brot þeirra sam­kvæmt I. kafla ákæru sner­ust um mjög háar fjár­hæðir, sem lán­ar­drottnar Milestone ehf. fóru þegar upp var staðið á mis við að fá notið til greiðslu krafna sinna. Brot þessi voru skipu­lögð og drýgð í sam­verkn­aði af óskamm­feilni,“ segir í dómi Hæsta­réttar Íslands. 

55 milljóna króna greiðslu til Karls rift

Tveir síð­ar­nefndu dóm­arnir snér­ust um mála­ferli þrota­bús Milestone gegn Karli og þarf hann sam­kvæmt þeim að end­ur­greiða þrota­bú­inu nærri 90 millj­ónir króna vegna greiðslna til hans frá fyr­ir­tæk­inu sem Hæsti­réttur telur hafa verið „ótil­hlýði­legar“ eins og segir í nið­ur­stöðu Hæsta­réttar í seinni mál­unum tveimur.