„Ég var í svo mikilli vantrú. Mér fannst svo ótrúlegt að þetta skyldi geta átt sér stað, að einhver kæmi inn á meðan ég er inni að svæfa börnin mín,“ segir myndlistarkonan Hlaðgerður Íris Björnsdóttir í samtali við Stundina, en tölvunni hennar var stolið um þar síðustu nótt á meðan hún var að svæfa dætur sínar. Hún skrifaði um málið á Facebook-síðu sinni í gær, en kvöldið áður hafði hún komið seint heim með dætur sínar, sem eru á aldrinum fimm og sex ára, eftir kvöldvöku hjá ömmu og afa. „Klukkan var hálf eitt eftir miðnætti og ég dreif dæturnar beint í náttföt. Skaust aðeins fram í stofu og sendi skilaboð til sonar míns úr tölvunni og burstaði svo tennurnar í dætrunum, háttaði sjálf og lagðist út af með þeim smástund á meðan þær voru að sofna. Klukkan eitt fór ég fram og læsti hurðinni að íbúðinni minni,“ skrifar hún. Morguninn eftir var tölvan horfin og hleðslutækið sem hún var tengd við sömuleiðis.
„Auðvitað leitaði ég hátt og lágt í ekki svo stóru íbúðinni minni að tölvunni þrátt fyrir að vita upp á hár hvar hún var þegar ég fór að sofa, bara til að vera viss áður en ég hringdi á lögregluna. Mér fannst svo fáranlegt að einhver gæti hafa komið inn og tekið tölvuna, hún hlyti bara að vera undir pullunni á sófasettinu eða þessvegna inni í ísskáp. Íbúðin var ekki í lás í um það bil 30 mínútur á meðan ég var að koma okkur í háttinn og á þeim tíma, eins ótrúlegt og það hljómar, kom einhver inn og tók tölvuna og hleðslutækið. Enginn gluggi var opinn sem hægt hefði verið að komast inn um, dyrnar þennan hálftíma er eini möguleikinn,“ skrifar hún.
„Mér fannst svo fáranlegt að einhver gæti hafa komið inn og tekið tölvuna, hún hlyti bara að vera undir pullunni á sófasettinu eða þessvegna inni í ísskáp.“
Hvað ef?
Hlaðgerður segir veruleikann ekki hafa skollið á sér fyrr en seinni partinn í gær og þá áttaði hún sig á því að tölvan var virkilega horfin. „Eftir því sem leið á daginn fór þessi staðreynd að síast inn hjá mér, að tölvan mín væri
Athugasemdir