Þingmaður sakar listamenn um siðleysi, ógagnsæi og klíkuskap

Í gær fór fram sér­stök umræða á Alþingi um lista­manna­laun að frum­kvæði Ásmundar Frið­riks­sonar þing­manns. Sakaði hann lista­menn um sið­leysi, klíku­skap og ógagn­sæi og kall­aði eftir því að þing­menn tækju sjálfir að sér úthlutun lista­manna­launa. Illugi Gunn­ars­son, mennta- og menn­ing­ar­mála­ráð­herra, hafn­aði ein­dregið hug­myndum Ásmundar og kom lista­manna­launum til varnar. Skiptar skoð­anir eru um lista­manna­laun innan Sjálf­stæð­is­flokks­ins, en bæði kjörnir full­trúar og gras­rót flokks­ins hafa látið sig þau varða und­an­farna daga. 

„Það efast eng­inn sem þekkir mig um áhuga minn á menn­ingu og hvers konar listum. Ég er sjálfur virkur þátt­tak­andi sem áhuga­mynd­lista­maður og hef staðið fyrir stórum sem smáum lista- og menn­ing­ar­við­burðum ára­tugum saman og ber þá hæst lista­há­tíðin Ferskir vindar í Garði,“ sagði Ásmundur í upp­hafi ræðu sinnar um málið. Þá tók hann fram að það væri einmitt vegna menn­ing­ar­á­hug­ans sem hann hefði áhyggjur af því hvernig úthlutun lista­manna­launa væri háttað:

„Það er eðli­legt að þjóðin ræði hvernig staðið er að úthlutun lista­manna­launa. Er það til dæmis eðli­legt að stjórn Rit­höf­unda­sam­bands­ins velji úthlut­un­ar­nefnd­ina og síðan úthlutar sú stjórn allri sitj­andi stjórn rit­höf­unda­sam­bands­ins lista­manna­launum til tólf mán­aða og þannig hefur það verið jafn­vel árum saman?“ sagði Ásmundur og vís­aði svo til eins til­tek­ins lista­manns, rit­höf­und­ar­ins Andra Snæs Magna­sonar: „Dæmi hafa verið nefnd um í umræð­unni um rit­höf­und sem hefur þegið lista­manna­laun í níu ár en skilað litlu meira en einum bók­artitli á þeim tíma.“