„Það er ekki að spyrja að fram­sókn­ar­mönnum og afneit­un­inni. Þeir vilja ekki einu sinni við­ur­kenna það sem þeir sjá og heyra með eigin skiln­ing­ar­vitum,“ skrif­aði Lára Hanna Ein­ars­dóttir á Facebook í gær.

Tilefnið var ábend­ing um að í umræðum á Alþingi þann 17. mars hefði þing­maður Fram­sókn­ar­flokks­ins, Silja Dögg Gunn­ars­dóttir, haldið því fram að mynd­band þar sem for­maður flokks­ins, Sig­mundur Davíð Gunn­laugs­son, sést lofa þjóð­ar­at­kvæða­greiðslu um aðild­ar­við­ræður við Evr­ópu­sam­bandið, sé klippt til og falsað.

Mynd­bandið sem fór um netheima eins og eldur í sinu á þessum tíma er hér að neðan. 

Umræð­urnar fóru fram aðeins nokkrum dögum eftir að Gunnar Bragi Sveins­son, utan­rík­is­ráð­herra, sendi Evr­ópu­sam­band­inu bréf þess efnis að Ísland væri ekki lengur í hópi umsókn­ar­ríkja. Hart var tek­ist á um málið á Alþingi og umræður stóðu langt fram á kvöld.

Þar sagði Silja Dögg í ræðu sinni að núver­andi stjórn­ar­flokkar hefðu staðið við gefin lof­orð. Stefna þeirra hefði verið skýr fyrir kosn­ingar. „Við töl­uðum ekki í kosn­inga­bar­átt­unni um að það ætti að greiða atkvæði um málið á kjör­tíma­bil­inu,“ sagði Silja Dögg og sagði að rík­is­stjórnin myndi ekki efna til þjóð­ar­at­kvæða­greiðslu á kjör­tíma­bil­inu.

„Svarið er: Nei, rík­is­stjórnin hefur engin áform um að efna til þjóð­ar­at­kvæða­greiðslu um við­ræður við Evr­ópu­sam­bandið þar sem slíkt væri atkvæða­greiðsla um mál sem hún er mót­fallin.“

„Klippt eitthvað saman og falsað“

Kristján Möller, þing­maður Sam­fylk­ing­ar­innar, spurði þá hvað henni þætti um þau orð sem for­sæt­is­ráð­herra lét falla fyrir kosn­ingar, að þjóðin fengi að kjósa um áfram­hald við­ræðna. Hvernig hún liti á það þegar „stjórn­málafor­ingjar, sama hvað þeir heita, í