Fyrir risa­vax­inn hagnað íslensku bank­anna; Arion banka, Lands­banka og Íslands­banka; væri hægt að reka Land­spít­al­ann í tvö og hálft ár, eða auka heil­brigðis­út­gjöld í 11% af lands­fram­leiðslu, eins og und­ir­skrifta­söfnun Kára Stef­áns­sonar gengur út á. Reyndar gott betur, því 107 millj­arð­arnir sem bank­arnir græddu sam­eig­in­lega í fyrra nægðu til að auka heil­brigðis­út­gjöld í 14% af lands­fram­leiðslu.

Mest hagn­að­ist Arion banki, um 49,7 millj­að­ara króna, en Lands­bank­inn hagn­að­ist um 36,5 millj­arða og Íslands­banki um 20,6 millj­arða. Gylfi Magn­ús­son, fyrr­ver­andi efna­hags- og við­skipta­ráð­herra og dós­ent við við­skipta­fræði­deild Háskóla Íslands, segir í sam­tali við Stundina að stór hluti þessa hagn­aðar eigi á end­anum að renna til rík­is­ins. Ástæða þess er að ríkið á í dag 100 pró­sent í Íslands­banka, 98 pró­sent í Lands­bank­anum og 13 pró­sent hlut í Arion banka.

Þótt óhóf­legur hagn­aður kunni að hafa nei­kvæð áhrif á Íslend­inga sem neyt­endur ættu áhrifin á Íslend­inga sem skatt­greið­endur að vera jákvæð.