Héraðsdómur Reykjavíkur hefur úrskurðað Jón Trausta Lúthersson og Svein Gest Tryggvason í áframhaldandi gæsluvarðhald til 21. júlí. Sex manns eru grunaðir um aðild að manndrápinu á Arnari Jónssyni Aspar sem lést í kjölfar hrottalegrar líkamsárásar þann 7. júní síðastliðinn.
Fjórum einstaklingum hefur verið sleppt vegna málsins og áttu gæsluvarðhaldsúrskurðir yfir Sveini Gesti og Jóni Trausta að renna út í dag. Lögreglan fór fram á áframhaldandi gæsluvarðhald yfir tvímenningunum í dag. Þeir munu hins vegar ekki sæta einangrun áfram eins og þeir hafa verið látnir sæta síðan þeir voru úrskurðaðir fyrst í gæsluvarðhald, þann 8. júní.
Um hálf tvö í dag var Sveinn Gestur leiddur í Héraðsdóm Reykjavíkur eins og sjá má á myndbandi hér fyrir neðan.
Í kjölfar árásarinnar voru fjórir aðrir einstaklingar úrskurðaðir í gæsluvarðhald, ein kona og þrír karlar. Á fimmtudaginn í síðustu viku voru þau látin laus úr varðhaldi en þau hafa enn stöðu sakborninga.
Lögreglan á höfuðborgarsvæðinu telur að atburðarrásin í kringum manndrápið liggi nokkuð ljóst fyrir. Þetta segir Ævar Pálmi Pálmason, lögregufulltrúi, í samtali við Vísi.
Stundin hefur fjallað um tilfelli þar sem kvartað hefur verið undan ógnunum Sveins Gests við gagnrýnendur Íslensku þjóðfylkingarinnar, sem og fyrri dóma hans.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Manndráp í Mosfellsdal
Nabakowski-bræður tjá sig um manndrápið: Vilja byggja upp mannorð sitt
11 mín. lestur
Hafði nýlega ráðið sig í vinnu sem þroskaþjálfi
Saklaus af árásinni í Mosfellsdal: „Ég á enga samleið með þessu fólki“
Athugasemdir