Starfsmenn Sólstafa, systursamtaka Stígamóta á Vestfjörðum, telja að Gunnhildur Björk Elíasdóttir, formaður félagsmálanefndar Ísafjarðarbæjar hefði átt að víkja af fundum þegar styrkumsókn samtakanna var til umfjöllunar. Nefndin mælti gegn því að samtökin fengju umbeðinn styrk. Fyrrverandi eiginmaður Gunnhildar, Líni Hannes Sigurðsson frá Þingeyri, var nýlega dæmdur fyrir fyrir vörslu á miklu magni barnakláms og árið 2013 kærðu sex konur hann fyrir kynferðisbrot. Kærunum var ýmist vísað frá eða þær felldar niður. Í grein sem birtist á Knuz.is í morgun segir að skipun Gunnhildar í embætti formanns félagsmálanefndar hafi sætt gagnrýni á sínum tíma, „ekki síst í ljósi þess að hún hafði gengið hart fram gegn meintum brotaþolum eiginmannsins“. Gunnhildur segir óþverralegt að tengja þessi tvö mál saman.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir