Heild­ar­lög um opin­ber fjár­mál voru sam­þykkt á Alþingi á laug­ar­dag með 46 atkvæðum. Einungis þing­menn Vinstri grænna greiddu atkvæði gegn frum­varp­inu, en að sögn Guðlaugs Þórs Þórð­ar­sonar, vara­for­manns fjár­laga­nefndar, eru þetta „stærstu og mik­il­væg­ustu lög“ þessa haust­þings. Með lög­unum er svig­rúm fjár­veit­ing­ar­valds­ins til að reka rík­is­sjóð með halla tak­markað all­veru­lega. Stundin fjall­aði ítar­lega um þennan þátt frum­varps­ins, svo­nefnda fjár­mála­reglu, í sumar og ræddi við tvo hag­fræð­inga sem leist ekki á blik­una.

Mynd: Pressphotos/Geirix

Samkvæmt 7. gr. lag­anna verða mark­mið fjár­mála­stefnu og fjár­mála­á­ætl­unar um afkomu og efna­hag hins opin­bera að sam­ræm­ast þremur skil­yrðum. Í fysta lagi þarf heild­ar­jöfn­uður yfir fimm ára tíma­bil alltaf að vera jákvæður og árlegur halli alltaf að vera undir 2,5 pró­sentum af lands­fram­leiðslu. Í öðru lagi þurfa heild­ar­skuldir, að frá­töldum líf­eyr­is­skuld­bind­ingum og við­skipta­skuldum og að frá­dregnum sjóðum og bankainn­stæðum, að vera lægri en nemur 30 pró­sentum af vergri lands­fram­leiðslu. Í þriðja lagi er kveðið á um að ef skulda­hlut­fall fari yfir 30 pró­sent skuli sá hluti sem umfram er lækka að með­al­tali á hverju þriggja ára tíma­bili um að minnsta kosti 5 pró­sent á hverju ári.