Kærunefnd útboðsmála hefur skikkað Sorpu bs. til að bjóða út innkaup vegna kaupa á tæknilausn og tæknilegri ráðgjöf við uppbyggingu fyrirhugaðrar gas- og jarðgerðarstöðvar í Álfsnesi.
Þetta kemur fram í úrskurði sem kveðinn var upp á föstudaginn og Stundin hefur undir höndum. Íslenska Gámafélagið ehf. og Metanorka ehf. kærðu fyrirhugaða samningsgerð Sorpu við danska fyrirtækið Aikan þann 9. október síðastliðinn og kröfðust þess að fram færi útboð í samræmi við lög um opinber innkaup.
Kærunefndin úrskurðaði kærendum í hag og telur að Sorpa hefði átt að „fylgja þeim ferlum laga um opinber innkaup sem ætlað er að tryggja jafnræði og gagnsæi og þar með virka samkeppni í opinberum innkaupum í stað þess að láta fara fram ófullburða útboð á vegum ráðgjáfafyrirtækis sem augljóslega gat ekki uppfyllt kröfur laga”. Er hér vísað til verkefnis sem verkfræðistofan Mannvit tók að sér fyrir Sorpu.
Athugasemdir